«كونستيتۋتسيا – مەملەكەتتىڭ اتا زاڭى. ول مازمۇنىنا, قۇرىلىمىنا جانە بايانداۋ لوگيكاسىنا قاتىستى جالپىعا بىردەي تانىلعان حالىقارالىق كونستيتۋتسيالىق تاسىلدەرگە سايكەس قالىپتاستىرىلادى», دەدى ەلۆيرا ازيموۆا.
سونداي-اق ول اتا زاڭدا مەملەكەتتىك ساياساتقا, قوعامنىڭ دامۋىنا قاتىستى نەگىزگى قاعيداتتارمەن قاتار, ازاماتتاردىڭ قۇقىقتارى مەن بوستاندىقتارىنا بەرىلەتىن كەپىلدىكتەر دە بەكىتىلەتىنىن اتاپ ءوتتى.
كوميسسيا توراعاسى ءوز سوزىندە كونستيتۋتسيا نورمالارىن نەعۇرلىم ەگجەي-تەگجەيلى رەتتەۋ, ادەتتە, زاڭدار دەڭگەيىندە جۇزەگە اسىرىلاتىنىن ايتتى. بۇل – اتا زاڭدى ازىرلەۋدەگى جالپىعا ورتاق تاجىريبە.
ەلۆيرا ازيموۆا كونستيتۋتسيا جوباسىندا بەكىتىلگەن وزگەرمەيتىن قۇندىلىقتارعا دا ەرەكشە نازار اۋداردى.
«ەگەمەندىك پەن تاۋەلسىزدىك, ۋنيتارلىق, اۋماقتىق تۇتاستىق جانە رەسپۋبليكانىڭ باسقارۋ نىسانى وزگەرمەيتىن قۇندىلىقتار ساناتىنا جاتقىزىلعان», دەدى ول.
كوميسسيانىڭ كەلەسى وتىرىسىنىڭ وتەتىن كۇنى قوسىمشا حابارلاناتىن بولادى.
