قازاقستان • 02 قىركۇيەك، 2019

بيىل 406 مىڭنان استام بالا 1-سىنىپقا باردى

19 رەتكورسەتىلدى

جادىراعان جاز دا ءوتتى. كوپ كۇتتىرمەي كۇز جەتتى. قوڭىرقاي مەزگىل كۇنتىز­بەسىنىڭ ءبىلىم كۇنىمەن باستالۋى ارقانى كەڭگە سالعان اق جارقىن كوڭىلدى ءبىر ۋاقىت وزىندەي سالماقتى كۇيگە تۇسىرگەندەي. جاڭا وقۋ جىلىندا ءبىلىم الۋشى مەن بەرۋشىدەن باستاپ اتا-اناعا دەيىن ەتەك-جەڭىن جينايدى. قىزۋ ناۋقاندى قىركۇيەككە قانداي دايىندىقپەن قادام باسقالى وتىرمىز؟ وسى ورايدا ءبىلىم بەرۋ سالاسىنىڭ ءار ساتىسى بويىنشا ازىرلىك جايىن باعامداۋدى ءجون كوردىك.

مەكتەپكە دەيىنگى ءبىلىم. ءبىلىم جانە عىلىم مينيسترلىگىنىڭ مالىم­دەۋىنشە، بيىل مەكتەپكە دەيىنگى ۇيىم­دار سانى 279 بىرلىككە كوبەيىپ، بارلىعى 10 مىڭ 593-كە جەتكەن. ونىڭ 62،1 پايىزى، ياعني 6 مىڭ 580-ءى – مەملەكەتتىك، ال قالعان 37،9 پا­يىزى، ياعني 4013-ءى – جەكە­مەن­شىك بالاباقشالار. بۇدان بۇرىن دا حابارلاعانىمىزداي، 3-6 جاس­تاعى بالالاردىڭ مەكتەپكە دەيىنگى بىلىم­مەن قامتىلۋى 95،2% قۇراپ وتىر، 10 مىڭنان اسا مەكتەپكە دەيىنگى ۇيىمعا 906،5 مىڭ بالا بارادى.

ورتا ءبىلىم. ەلىمىزدەگى 7016 مەكتەپ الداعى جاڭا وقۋ جىلىندا 3 ملن 200-گە تارتا ءبىلىم الۋشىعا ەسىگىن اشتى. سونىڭ ىشىندە 406،7 مىڭ بالا العاش رەت مەكتەپ تابالدىرىعىن اتتادى. ەرەجەگە ساي بالالاردى 1-سىنىپقا قابىلداۋ جۇمىستارى 31 تامىزعا دەيىن جال­عاس­قاندىقتان، بۇل كورسەتكىش ءالى دە كو­بەيۋى مۇمكىن. بۇل بىلتىرعىمەن سا­لىستىرعاندا 20 مىڭعا كوپ. سەبەبى 2016 جىلى ء«بىلىم تۋرالى» زاڭعا 6 جاستان باستاپ مەكتەپكە قابىلداۋ جونىندە وزگەرىستەر ەنگىزىلدى. بالانىڭ 6 جاستان مەكتەپكە بارۋى مىندەتتى بولماسا دا، اتا-انالاردىڭ كوبىسى 12 جىلدىقتى ەسكەرىپ، ەرتەرەك بەرۋدى قولاي كورەدى. وسىنىڭ اسەرىنەن مەكتەپتەردە ورىن تاپشىلىعى ارتىپ وتىر. ايتالىق، باس قالادا 2055، الماتى وبلىسىندا 10884، ال اتىراۋ وڭىرىندە 1010 ورىن جەتپەيدى.

جاڭا وقۋ جىلىندا 4، 9، 10 سى­نىپ­تار جاڭارتىلعان ءبىلىم مازمۇ­نىنا كوشتى، سوعان سايكەس 280 مىڭعا جۋىق مۇعالىم ارنا­يى كۋرستاردان ءوتتى. جوعارى سى­نىپتاردا تاڭداۋ بو­يىنشا «كا­سىپكەرلىك جانە بيزنەس»، «گرا­في­كا جانە جوبالاۋ» پان­دەرى ەنگى­زىلىپ، «العاشقى اسكەري جا­نە تەحنو­لوگيالىق دايىندىق»، «ين­فور­ماتيكا» ءپانىنىڭ مازمۇنى وزگەر­تىلدى.

ءبىلىم وشاقتارىنىڭ جاي-كۇيىنە كەلسەك، قازىرگى تاڭدا 128 ءۇش اۋىسىمدى جانە 31 اپاتتى مەك­تەپ بار. بۇل ماسەلەنى شەشۋ ماق­ساتىندا مەملەكەتتىك بيۋدجەت ەسەبىنەن 115، جەكەمەنشىك بيۋد­جەت ەسەبىنەن 79 مەكتەپتىڭ قۇرى­لىسى ءجۇرىپ جاتىر. ۇكى­مەت قارجىسىنا سالىنىپ جاتقان مەك­تەپتىڭ 57-ءسى بيىل تاپسىرىلادى. جاڭا وقۋ جىلى قارساڭىندا نۇر-سۇل­تان قالاسىندا، اقتوبە، الماتى، سولتۇستىك قازاقستان، قىزىلوردا، جامبىل، باتىس قازاقستان، تۇركىستان وبلىس­تا­رىندا جاڭا مەكتەپتەر ىسكە قو­سىل­دى.

جەكەمەنشىك مەكتەپتەردە جان باسىنا نورماتيۆتىك قار­جى­لاندىرۋدى ەنگىزۋ جۇمىس­تا­رى باستالدى. جان باسىنا قار­جى­لاندىرۋ ەنگىزىلگەنگە دەيىن 121 جەكەمەنشىك مەكتەپ بولسا، بۇگىندە بۇل 146-عا جەتكەن. ال­دا­عى قاڭتار ايىنان باستاپ رەس­پۋب­ليكالىق بيۋدجەتتە ەلدەگى بار­لىق جەكەمەنشىك مەكتەپتەردە مەم­لەكەتتىك تاپسىرىس­تى ورنالاستىرۋعا قاراجات كوز­دەل­دى. 22 مىڭ 310 بالانى مەكتەپپەن قامتاماسىز ەتۋ ءۇشىن 80 جەكەمەنشىك ءبىلىم وشاعى مەم­لەكەتتىك تاپسىرىس الىپ وتىر. 1 تامىزداعى جاعداي بويىن­شا 8 مىڭ 636 ورىنعا 25 جەكەمەنشىك مەكتەپ اشىلدى. جىل سوڭىنا دەيىن ونىڭ 23-ءى ىسكە قوسىلماق، بۇل 5 مىڭ 845 ورىنعا لايىقتالعان.

كاسىپتىك-تەحنيكالىق ءبىلىم بەرۋ. كول­لەدجدەر سانى قاز-قالپىن­دا قالدى، ياعني رەسپۋبليكا بو­يىنشا 821 كوللەدج ءبىلىم كۇنىن­دە 488،7 مىڭ ستۋدەنتتى قارسى الدى. كاسىپتىك-تەحنيكالىق ءبىلىم بەرەتىن ۇيىمداردىڭ 90 پايىزى كۇر­دەلى جوندەۋدەن وتكىزىلگەن. 22 مەم­لەكەتتىك كوللەدجدە كۇردەلى جوندەۋ جۇ­مىستارى ءالى دە جۇرگىزىلۋدە. جاڭا وقۋ جىلىنىڭ باسىندا جاتاق­حانالاردا 1085 جاڭا ورىن بەرىلمەك.

جوعارى ءبىلىم. قازاقستاندا 132 جوعارى وقۋ ورنى جۇمىس ىستەي­دى: ونىڭ 11-ءى – ۇلتتىق، 30-ى – مەم­لە­كەتتىك; 14-ءى – ازاماتتىق ەمەس; دەربەس ءبىلىم بەرۋ ۇيىمى (دببۇ) مەن حا­لىق­ارالىق دەڭگەيدەگىسى – 1-دەن; 18-ءى – اكتسيونەرلىك جانە 57-ءى جەكە­مەنشىك وقۋ ورىندارى سانالادى.

ۇلتتىق بىرىڭعاي تەستىلەۋ قورى­تىن­دىسى بويىنشا كۇن­د­ىز­­گى وقۋ ءبولىمىنىڭ 1-كۋرسىنا 46 698 گرانت ءبولىندى. كوللەدج تۇلەكتەرى ءۇشىن 3 000 گرانت، دايىندىق بەيىنى بويىنشا وقۋعا قابىلدانعاندارى تاعى بار. بيىل باكالاۆرياتقا بارلىعى 51 085 ورىنعا مەملەكەتتىك تاپسىرىس بەرىلگەن. ماگيستراتۋراعا
13 179، دوكتورانتۋراعا 2 322 گرانت بولىنگەن. جوعارى وقۋ ورنىنان كەيىنگى ءبىلىم الۋشىلاردى ۋنيۆەرسيتەتتەرگە قابىلداۋ ءالى جالعاسىپ جاتىر. وسىعان بايلانىستى ماگيسترانتتار مەن دوكتو­رانتتار وقۋدى ءسال كەيىنىرەك باس­تايدى. ايتا كەتەيىك، ءوز قارا­جاتى ەسەبىنەن 17 جوو-دا كۇردەلى،
32-ندە اعىمداعى جوندەۋ جۇرگىزىلدى.

سوڭعى جاڭالىقتار

ەلدىك نىشاندار تاريحى

قازاقستان • بۇگىن، 18:14

اتىراۋ: ءۇي قاماققا قامالعان قىز

ايماقتار • بۇگىن، 18:00

بيىل اۋىلعا تابيعي گاز جەتەدى

ايماقتار • بۇگىن، 14:29

ۇقساس جاڭالىقتار