25 جاستاعى نۇرسۇلتانوۆ رەسەيدىڭ چەليابى قالاسىندا جارتىلاي اۋىر سالماقتاعى WBO تۇجىرىمى بويىنشا الەم چەمپيونى رەسەيلىك سەرگەي كوۆالەۆ (33-3-1, 28 كو) پەن بريتانيالىق ۇمىتكەر ەنتوني يارد (18-0, 17 كو) اراسىندا وتەتىن بوكس كەشىندە جۇدىرىقتاسادى.
قازىرشە وتانداسىمىزدىڭ قارسىلاسى بەلگىسىز. ال جەكپە-جەك 10 راۋندقا جوسپارلانعان. بۇل مەيىرىم ءۇشىن العاشقى 10 راۋندتىق كەزدەسۋ بولماق. قازاقستاندىق بوكسشى سوڭعى جەكپە-جەگىن ناۋرىز ايىندا اقش-تىڭ گولليۆۋد قالاسىندا وتكىزىپ, پۋەرتو-ريكو ەلىنىڭ بوكسشىسى لۋيس ەرناندەستى تورەشىلەردىڭ ءبىراۋىز شەشىمىمەن جەڭگەن بولاتىن. ايتا كەتەيىك, سەرگەي كوۆالەۆ پەن مەيىرىم نۇرسۇلتانوۆ – ءبىر مەنەدجەر (ەگيس كليماس) جانە ءبىر پروموۋتەرلىك كومپانيانىڭ (Main Events) وكىلدەرى سانالادى.
