قوعام • 26 شىلدە، 2019

زاڭدى ورىنداۋعا ىقىلاس جوق

797 رەت كورسەتىلدى

جول ءجۇرىسى زاڭىمىز بويىنشا مۇگە­دەك­تەردىڭ كولىك قۇرالىن توقتاتۋعا بەلگىلەنگەن جەر­لەردە مۇگەدەك ەمەس ءجۇر­گىزۋ­شىلەردىڭ كولىكتى توقتاتۋى نەمەسە توقتاپ تۇرۋى اكىمشىلىك قۇقىق بۇزۋشىلىققا جاتادى. سوعان بايلانىستى جول ءجۇرىسى ەرەجەسىنە قاتىستى وزگەرىس­تەرگە ساي مۇنداي جاعدايدا 597-باپ­تىڭ 4-تاراۋى­نا سايكەس 10 اەك، ياعني 25 250 تەڭگە ايىپ­پۇل سالىنادى.

الايدا اشىعىن ايتايىق، بۇعان مويىن­سۇنىپ جاتقان جۇرگىزۋشى از. ويتكەنى جوعارى­دا اتالعان ورىنداردا نەبىر كولىك بىتكەن ءيىن تىرەسىپ تۇرادى. جالپى، تەك ول ورىندار­دا عانا ەمەس، ءتۇرلى حالىققا قىزمەت كور­سەتۋ مە­كە­مەلەرىنىڭ، دۇكەندەردىڭ، اكىمدىك عيما­رات­­تارىنىڭ، ت.ب. قوعامدىق ورىندار الدىندا كولىك قويۋعا بوس ورىن بولمايدى. ال سولاردىڭ اراسىندا، ەڭ جايلى دا جاقىن ورىنداردا مۇگەدەك جۇرگىزۋشىلەردىڭ توقتاپ تۇرۋىنا رۇق­سات ەتىلگەن جەرلەر جوعارىدا اتالعان زاڭمەن بەل­گى­لەنەدى. ادامدار زاڭنان اتتاماسىن دەپ كوز­گە كورىنەر تۇسقا ارنايى بەلگى دە ىلىنەدى. بىراق زاڭنىڭ بۇل پارمەنىنەن ايىلىن جيا قويا­تىن جۇرگىزۋشىلەر از. شىن مانىندەگى مۇگە­دەك جۇرگىزۋشىلەر ءۇشىن رۇقسات ەتىلگەن ورىندار كورسەتىلسە دە ول جەردە ورىن تابىلمايدى.

ونىڭ سەبەبىن جۇرتتىڭ ءبىرى كولىك جۇرگىزۋ­شىلەردىڭ  مادەنيەتسىزدىگىنەن دەسە، ەندى ءبىرى كوشە بىتكەندى تارىلتىپ، عيماراتتاردى ىركەس-تىركەس سالعان بيلىكتەن كورەدى. ويتكەنى ادامدار بەس-التى كۇنگى تاڭنان قارا كەشكە دەيىنگى جۇمىستارىنان جەكسەنبى عانا قولدارى بوساپ، ساۋدا-ساتتىق ورتالىعىنا كەلگەندە كولىكتەرىن قويار ورىن تابا المايدى. سوسىن بىرەۋلەرى امالسىز «نار تاۋەكەلگە» بارسا، بىرەۋلەرى ادەيى بىلە تۇرا تىيىم سالىنعان ورىنعا كولىگىن قويادى ەكەن. مۇنداي قۇقىق بۇزۋشىلىقتىڭ سالدارى بار ەكەندىگىن ايتقانىمىزدا، كەيبىر جۇرگىزۋشىلەر، ايىپپۇل تولەۋگە تيىستىلىگىن بىلسە دە، ايتەۋىر ءبىر سىلتاۋ تاۋىپ قۇقىق ساق­شى­لارىنان قۇتىلىپ كەتەتىندىگىن جاسىر­مادى. ماسەلەن، باسقا جەردى ايتپاعاندا، قالا­لىق اكىمدىكتىڭ تۋرا قارسىسىندا مۇگە­دەكتەر كولىگىنە ارنالعان ءۇش-ءتورت ورىن بار. سوندا بايقاساڭىز، مۇندا مۇگەدەكتىكتى بىلدى­رەتىن بەلگىسى جوق كولىكتەر تۇرادى. ال سول ماڭايدا ۇنەمى جۇرەتىن جول-كولىك پوليتسيا­سى قىزمەتكەرىنەن نەگە بۇلاي دەپ سۇراساق، ايتا­تىندارى: «ولاردىڭ كوبى مۇگەدەكتىك كۋا­لىكتەرىن كولىك اينەگىنەن كورىنەتىندەي ەتىپ ىشىندە قالدىرادى نەمەسە سونى كورسەتەدى» دەيدى. بىراق ونداي كولىكتەر كوبىنە مۇگەدەك ادامنىڭ اتىندا ەمەس، سول كولىكتى جۇرگىزەتىن جۇرگىزۋشى اتىندا بولىپ شىعادى. مۇنداي جاعدايدا كولىك مۇگەدەكتەرگە رۇقسات ەتىلگەن جەردە قالدىرىلسا، زاڭ بۇزۋشىلىق بولىپ تابىلادى.

دەمەك، ءبىزدىڭ ايتايىن دەگەنىمىز، بىزدە زاڭ وسال ما، الدە سول زاڭ ورىندالماي ما؟ نەگىزىندە زاڭ ورىندالمايدى ەمەس، ونى ورىنداۋعا ىقىلاس جوق. ماسەلەن،  جاقىندا اقش-تاعى قىزىق وقيعا تۋرالى روليك قارادىم. ءبىر ايەل جۇرگىزۋشى اناسىن اۋرۋحانا الدىنا ءتۇسىرۋ ءۇشىن مۇگەدەك جۇرگىزۋشىلەرگە ارنالعان ورىنعا كولىگىن توقتاتادى. ارتىنشا وعان پوليتسيا جەتىپ كەلىپ، جۇرگىزۋشىدەن مۇگەدەكسىز بە سۇرايدى. ايەل نە سەبەپتى توقتاعانىن ايتادى. پوليتسيا زاڭ بويىنشا بۇل جەرگە تەك مۇگەدەكتىگى بار جۇرگىزۋشىگە عانا توقتاۋعا رۇقسات ەتىلگەنىن ايتىپ، وعان لەزدە ايىپپۇل جازىپ بەرەدى. جۇرگىزۋشى ايەل شىر-پىر ەتىپ، ءبىر-ەكى سەكۋندقا عانا ايالدادىم، ەندى مىنە جۇرگەلى جاتىرمىن دەپ زار قاقسا دا، زاڭنىڭ ورىندالۋىن ورىندايتىن پوليتسيا ايتقانىنان قايتپادى. «زاڭ بويىنشا بۇل جەرگە مۇگەدەك جۇرگىزۋشىدەن باسقاعا توقتاۋعا بولمايدى. ال ءسىز توقتادىڭىز. ەندى زاڭ بويىنشا ايىپپۇل تولەيسىز» دەيدى. ولاردا ايىپپۇلدىڭ باعاسى وتە جوعارى ەكەنىن ەسكەرسەك، انا جۇرگىزۋشى ايەل ەندىگارى ەشۋاقىتتا زاڭدى بۇزباۋ كەرەك ەكەنىن ەستەن شىعارماسى انىق. ال وزگە ءبىر جاپ-جاس جۇرگىزۋشى قىز مۇگەدەكتىك بەلگىنى كولىك ىشىنە قويىپ الىپ، مۇگەدەك جۇرگىزۋشىلەرگە ارنالعان ورىندا تۇرادى. وعان كەلگەن پوليتسيا قىزمەتكەرىنە جۇرگىزۋشى قىز ءوزىنىڭ مۇگەدەك اناسىنىڭ دۇكەنگە كىرىپ كەتكەنىن، سونى كۇتىپ تۇرعانىن ايتادى. پوليتسيا جۇرگىزۋشىدەن دۇكەنگە بىرگە بارىپ، اناسىمەن كەزدەستىرۋىن سۇرايدى. سودان اقىر اياعىندا جاس قىزدىڭ ايتقانى وتىرىك بولىپ شىعادى. سول ارادا جۇرگىزۋشى قىزعا ەكى ايىپپۇل سالىنادى: ءبىرى – مۇگەدەكتىگى بولماسا دا مۇگەدەكتىك بەلگىنى جالعان پايدالانعانى ءۇشىن، ەكىنشىسى – مۇگەدەك جۇرگىزۋشىلەرگە ارنالعان ورىنعا كولىگىن قويعانى ءۇشىن. ەكى ايىپپۇلدىڭ دا قۇنى دا وراسان ەكەن، بايعۇس قىز بارماعىن تىستەدى.

مۇنداي زاڭدى شارالاردان كەيىن جۇرگىزۋ­شىلەردىڭ دەنى زاڭنان اتتاماسى انىق. سوندىقتان قاشاندا جۇرگىزۋشىلەر جولدان تايماس ءۇشىن قۇقىق قورعاۋشىلار وزدەرىنىڭ زاڭدى دارمەنىن جۇزەگە اسىرىپ وتىرسا، سوندا موڭكە بي ايتقانداي، «اياز بي ءالىن ءبىلىپ، قۇمىرسقا جولىن بىلەر» مە ەدى.

 

سوڭعى جاڭالىقتار

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

بەكىرەگە قويىلعان بەلگى

ايماقتار • بۇگىن، 07:45

«COVID-19» سپەكتاكلى قويىلدى

ونەر • بۇگىن، 07:43

ەركىن جۇرگىڭ كەلسە، ەكپە سالدىر

مەديتسينا • بۇگىن، 07:22

شابان قيمىل شاڭ قاپتىرماسىن

تەحنولوگيا • بۇگىن، 07:20

نە ەكسەڭ، سونى ورارسىڭ

قازاقستان • بۇگىن، 07:17

«استانا» ۇزاپ بارادى

فۋتبول • بۇگىن، 07:07

ۇقساس جاڭالىقتار