كوكشەتاۋ قالاسىندا وتكەن چەمپيونات كۋبوگىن يەلەنۋ ءۇشىن رەسەي, ازەربايجان, وزبەكستان جانە رەسپۋبليكانىڭ 14 وبلىسىنىڭ كوماندالارى جەتى كەزەڭ بويىنشا ءوزارا كۇش سىناستى. ولاردىڭ ىشىندە «ۆيزيت كارتوچكاسى», «Newspaper-Billboard», «العاشقى كومەك كورسەتۋ», «ءورت ەستافەتاسى», «اكۆاتورياداعى قۇتقارۋ جۇمىسى» سەكىلدى جارىس شارتتارى بولدى. ىستىق اۋا رايىنا قاراماستان جاس بالعىندار وتە جاقسى ونەر كورسەتتى. ءورت قاۋىپسىزدىگى بويىنشا قويىلعان سۇراقتارعا تولىققاندى جاۋاپ بەردى. جەرگىلىكتى جەردى باعدارلاۋ, كارتوگرافيا جانە حالىقارالىق قاۋىپسىزدىك بەلگىلەرى سىنىنان مۇدىرمەي ءوتتى.
جارىس قورىتىندىسى بويىنشا چەمپيوناتتىڭ التىنىن قازاقستان قۇراماسى جەڭىپ السا, كۇمىس رەسەي فەدەراتسياسى كومانداسىنا, ال قولا وزبەكستاننىڭ جاس قۇتقارۋشىلارىنا بۇيىردى.
ال, 14 وبلىستان ءبىرىنشى ورىندى سولتۇستىك قازاقستان سپورتشىلارى يەلەندى.
