ماسكەۋدە نەمەسە پاريجدە, مادريدتە, ريمدە, ياكي سانكت-پەتەربۋرگتە «15:15-تەگى ساياحاتتار» جوباسىنىڭ ەكسكۋرسيالارى – قالامەن جىلدام, قىزىقتى جانە تەز تانىسۋدىڭ ءتاسىلى: تانىمال جەرلەر, پايدالى كەڭەستەردى قامتىپ, قازىرگى زاماناۋي ومىرگە ساپار شەكتىرەدى. جوبا دەربەس ساياحاتشىلار مەن كاسىبي گيدتەردى بىرىكتىرەدى. ولار قالانى سىرالعى دوستارىمەن بىرگە ءجۇرىپ سەرۋەندەگەندەي اسەر قالدىرادى. ساياحاتتاردىڭ باعىتتارى كورنەكى جەرلەر مەن جەرگىلىكتى حالىق جاقسى كورەتىن «تۋريستىك ەمەس» ورىنداردى بىرىكتىرەدى.
«ءبىز ءوزىمىزدىڭ ماقتان تۇتاتىن شاھارىمىزدى كورسەتكىمىز كەلەدى. قازاق قوناەۆ, فرانتسۋز گۋردە, ورىس كالمىكوۆ جانە تاعى باسقالار سياقتى قالامىزدىڭ اتاقتى تۇرعىندارى جاقسى كورگەندەي قوناقتارىمىز دا الماتىنى جاقسى كورىپ, قايتا-قايتا كەلگەنىن قالايمىز», دەيدى «الماتىدا 15:15-تە» جوباسىنىڭ باسشىسى ەكاتەرينا كورچاگينا.
اتالعان جوبانىڭ نەگىزىن قالاۋشى جانە عالامدىق ديرەكتورى يۋري تسىبۋلكونىڭ ايتۋىنشا, «15:15-تەگى ساياحاتتار» جوباسى جاڭا دەڭگەيدەگى ميني-توپتاردا سەرۋەندەۋ فورماتىنا كىرەدى جانە قوناقتار ءجيى ايالدايتىن الماتى تۇرعىندارى ءۇشىن كومەكشىگە اينالۋ كەرەك. «ال قازاقستاننىڭ بارلىق تۇرعىندارىن حالىقارالىق جەلىنىڭ بولىگى بولىپ سانالاتىن وزگە قالالارداعى «15:15-تەگى ساياحاتتار» ەكسكۋرسيالارىندا قۋانا قارسى الامىز» دەيدى ول.
تۋريستەر نە تابادى؟
15:15 فورماتىنداعى سەرۋەندەۋ قازىرگى كۇندەرى «كونە قالا» دەپ اتالاتىن, ال ءحىح عاسىردا «جاڭا قالا» دەپ اتالعان – الماتىنىڭ قاق ورتاسىندا ورنالاسقان ۆوزنەسەنسكي شىركەۋىنىڭ ەسىگىنەن باستالادى. ءارى قاراي باعدار جاياۋ جۇرگىنشىگە قولجەتىمدى ەڭ تانىمال قالانىڭ كورنەكى جەرلەرىنەن وتەدى.
تۋريستەر الدىمەن زاماناۋي «ارت ي شوك» تەاترىنىڭ جانىندا سەرۋەندەيدى, ول تولىعىمەن ءوزىنىڭ اتىنا سايكەس كەلەدى, پانفيلوۆشى – باتىرلاردىڭ داڭق مەموريالىن كورەدى, قالانىڭ باستى جاياۋ جۇرەتىن كوشەسىنىڭ تاريحىمەن تانىسادى. ماسەلەن, بۇل كوشە ءار جىلدارى كازارمەننايا, كەيىن كراسنوارمەيسكايا, ال قازىر پانفيلوۆ كوشەسى بولدى. ايگىلى «اراسان» مونشاسىن كورەدى جانە مونشا كەشەنى قالاي پايدا بولعانىن بىلەدى. سونىمەن قاتار تاريحى 160 جىلدى قۇرايتىن اتاقتى «كوك بازاردى» ارالايدى. سونىمەن وسى جەردە باعدار اياقتالادى, سەبەبى الماتىنىڭ بازارىن ارالاۋ – بەس مينۋتتىق, ءتىپتى ءبىر ساعاتتىق ءىس ەمەس.
وعان قوسا قالا قوناقتارىنا ميني-تۋرلاردا الماتى نەلىكتەن مىڭ قۇبىلعان بوياۋلار قالاسى ەكەندىگىن ءبىلىپ, ايگىلى قالا تۇرعىندارى تۋرالى اڭىز اڭگىمەلەر تىڭدايدى جانە الۋان ءتۇرلى مادەنيەتى مەن كوپ ەتنوستى ەرەكشە رۋحتى جانە عاجاپ اتموسفەراسىنا ۇلى جىبەك جولىنىڭ قالاي بولەگەنىن تۇسىنەدى.
جوبا قالاي باستالدى؟
ورايى كەلگەندە ايتا كەتكەن ءجون, «15:15-تەگى ساياحاتتار» – ەۋروپانىڭ 40+ قالالارىندا حالىقارالىق ەكسكۋرسيا – سەرۋەندەۋ جوباسى. كاسىبي گيدتەر ساياحاتشىلاردى قولجەتىمدى باعادا (ورتا ەسەپپەن 20 ەۋرو, 12 جاسقا دەيىنگى بالالارعا – تەگىن) قىزىقتى فورماتتا قالامەن تانىسۋعا كومەكتەسەدى. يدەيا اۆتورى جانە «15:15-تەگى ساياحاتتار» جوباسىنىڭ نەگىزىن قالاۋشى — يۋري تسىبۋلكو.
ول 2013 جىلى كومپانيانىڭ شتاب-پاتەرى ورنالاسقان امستەردام قالاسىندا ەڭ ءبىرىنشى ساياحاتىن تىركەگەن. سودان بەرى بۇل جوبا ءوز دامۋىن فرانچايزينگتى جەلى فورماتىندا دامىپ, عالامدى جاۋلاپ كەلەدى.
بۇگىنگى تاڭدا «15:15-تەگى ساياحاتتارى» – امستەردام, بارسەلونا, بەرلين, بريۋسسەل, بۋداپەشت, ۆالەنسيا, ۆارشاۆا, ۆەنا, ۆەنەتسيا, ۆيلنيۋس, ۆروتسلاۆ, دۋبروۆنيك, ديۋسسەلدورف, ەكاتەرينبۋرگ, يەرۋساليم, قازان, كيولن, كوپەنگاگەن, ليسسابون, لوندون, ليۋبليانا, مادريد, ميلان, مينسك, ماسكەۋ, ميۋنحەن, نەاپول, نيتستسا, نيۋرنبەرگ, پاريج, پورتۋ, پوتسدام, پراگا, ريگا, ريم, سەۆيليا, سانكت-پەتەربۋرگ, ستوكگولم, تاللين, تبيليسي, تەل-اۆيۆ, فلورەنتسيا, حەلسينكي قالالارىندا وتەدى.
الماتى
