ايماقتار • 12 شىلدە، 2019

ب. ساعىنتاەۆ الماتىنىڭ كاسىپكەرلەر قوعامداستىعىمەن شوب دامىتۋدىڭ وزەكتى پروبلەمالارىن تالقىلادى

173 رەتكورسەتىلدى

الماتى اكىمى باقىتجان ساعىنتاەۆ قر «اتامەكەن» ۇلتتىق كاسىپكەرلەر پالاتاسىنىڭ وكىلدەرىمەن جانە قالا بيزنەسمەندەرىمەن كەڭەس وتكىزدى. ونىڭ بارىسىندا شاعىن جانە ورتا بيزنەسكە قولداۋ كورسەتۋ مەحانيزمدەرى مەن دامىتۋ جونىندە ناقتىلى جانە اشىق اڭگىمە ءوربىدى.

بازارلاردى مودەرنيزاتسيالاۋ، تۋريستىك پوتەنتسيالدى ءتيىمدى پايدالانۋ، الماتىنىڭ گەواقپاراتتىق كارتاسىن جەتىلدىرۋ، يت سالاسى مەن تسيفرلاندىرۋدى دامىتۋ تاقىرىپتارى كەڭىنەن ءسوز بولدى. سونىمەن قاتار، ستانتسيوناردان تىس ساۋدا نۇكتەلەرىن قۇرۋ ارقىلى كوشە ساۋداسىن ىنتالاندىرۋدىڭ شارالارى قارالدى.

مەگاپوليس اكىمى الماتىنىڭ بيزنەس پەن ەكونوميكانىڭ سەرۆيستىك قۇرىلىمى بار جەكە كاپيتال قالاسى ەكەنىن اتاپ ءوتتى. ەكونوميكاداعى مەملەكەتتىڭ ۇلەسى 2،4%-دان اسپايدى، ال شاعىن جانە ورتا بيزنەستىڭ ۇلەسى 39،5%-دى قۇرايدى، بۇل مۇنايعا تاۋەلدى ەمەس تۇراقتى ەكونوميكا.

دامۋدىڭ «قاراپايىم زاتتار ەكونوميكاسى» باعدارلاماسى باستالدى، ۇكىمەت تاراپىنان حالىق تۇتىناتىن تاۋارلار شىعارۋ، شيكىزات پەن ونىمدەردى العاش وڭدەۋ قولداۋ تاباتىن بولادى. كاسىپكەرلەر 7 جىل مەرزىمگە جىلدىق مولشەرلەمەسى 8% بولاتىن جەڭىلدەتىلگەن نەسيەلەردى الا باستادى. بۇعان مەملەكەت تاراپىنان 600 ميلليارد تەڭگە ءبولىندى.

مەملەكەتپەن اراداعى ءىس-قيمىلدىڭ بارلىق پروتسەدۋرالارى جەڭىلدەتىلدى. الماتىدا بيزنەستى «قاعازسىز» جۇرگىزۋگە، ينتەرنەت ارقىلى كاسىپ اشۋعا، ەسەپ-فاكتۋرالاردى تولتىرۋعا، بانك وپەراتسيالارىن جۇرگىزۋگە، سالىق ەسەبىن تاپسىرۋعا، قۇرىلىس سالۋعا رۇقسات الۋعا، ەسكيز جوباسىن جانە ەلەكتر جەلىسىنە قوسىلۋ ءۇشىن كەلىسىم جاساۋعا ابدەن بولادى.

ءبىر تەرەزە ءپرينتسيپى بويىنشا قالادا «ينۆەستيتسيا ءۇيى» اشىلعان، مۇندا كاسىپكەرلەرگە سەرۆيستىك قولداۋ كورسەتىلەدى. 2015 جىلدان باستاپ كوشەلەردى رەكونسترۋكتسيالاۋ بويىنشا اۋقىمدى جۇمىستار جۇرۋدە، قازىر بۇل جەرلەر تۋريستەر، تۇرعىندار مەن بيزنەسمەندەر ءۇشىن تارتىمدى ورىندارعا اينالعان.

كەڭەستە «اتامەكەن» ۇلتتىق كاسىپكەرلەر پالاتاسى باسقارماسىنىڭ توراعاسى ابىلاي مىرزاحمەتوۆ ءسوز الىپ، الماتىنىڭ قارجى ورتالىعى جانە قارجىنىڭ قولجەتىمدىلىگى جاعىنان جەتەكشى ەكەنىن اتاپ ءوتتى. مىسالى، «دامۋدىڭ جول كارتاسى-2020» باعدارلاماسى بويىنشا سۋبسيديا العان جوبالاردىڭ جالپى سانىنىڭ 7 %-ى الماتىعا تيەسىلى.

اعىمداعى ىستەر تۋرالى قالا كاسىپكەرلەر پالاتاسىنىڭ ديرەكتورى ناريمان ابىلشايىقوۆ ايتىپ ءوتتى.

الماتىنىڭ كاسىپكەرلەر قوعامداستىعىنىڭ وكىلدەرى ءتۇرلى سالالاردا قالانىڭ بيزنەس-احۋالىن ودان ءارى جەتىلدىرۋ بويىنشا وزدەرىنىڭ ويلارىن ورتاعا سالدى، ولار: «Meat Product Service» جشس باس ديرەكتورى باقىتجان ءابدىراسىلوۆ، «Alina group» جشس ديرەكتورى ەرلىك بالفانباەۆ، «ەفكو-الماتى» جشس ديرەكتورى نۇرجان قوجامۇراتوۆ، IDC وڭىرلىك ديرەكتورى اندرەي بەكلەميشەۆ، قازاقستان كاسىپكەرلەرى فورۋمىنىڭ اتقارۋشى ديرەكتورى مۋناۆارا پالتاشەۆا، «Tornado Plus» جشس ديرەكتورى يگور پروتسەنكو، «Tanmedia group» ديرەكتورلار كەڭەسىنىڭ توراعاسى ارمانجان بايتاسوۆ جانە باسقالارى. بازارلاردى مودەرنيزاتسيالاۋ، ءتۋريزمدى دامىتۋ، مجس مەحانيزمدەرى، ەلەكتروندى ساۋدا سۋبەكتىلەرى ءۇشىن سالىق پرەفەرەنتسياسى بويىنشا بۇرىننان بار ماسەلەلەر مەن ولاردى شەشۋ جولدارى كەڭىنەن ءسوز بولدى.

الماتى ەلىمىزدىڭ قارجى ورتالىعى رەتىندە قارجىنىڭ قولجەتىمدىلىگى جاعىنان جەتەكشى ورىندا. مىسالى،«دامۋدىڭ جول كارتاسى-2020» باعدارلاماسى بويىنشا سۋبسيديا العان جوبالاردىڭ جالپى سانىنىڭ 7 %-ى الماتىعا تيەسىلى. جالپى شوب سانى 4،3%-عا، وڭدەۋ ونەركاسىبى كولەمى 7،8%-عا، بولشەك ساۋدا اينالىمى 5،3%-عا، كوتەرمە ساۋدا اينالىمى 3،5%-عا وسكەن. قازىرگى كەزدە الماتىعا كوتەرمە ساۋدانىڭ 46%، بولشەك ساۋدانىڭ 32%، ەلىمىزدىڭ سىرتقى ساۋدا اينالىمىنىڭ 20%، قر ءجىو 20% تيەسىلى.





الماتى



سوڭعى جاڭالىقتار

انا ءتىلى – ارىڭ بۇل...

رۋحانيات • كەشە

اباي مۇراسى ماڭگىلىك

اباي • 22 اقپان، 2020

قىلمىستىق ءىس قوزعالدى

ايماقتار • 22 اقپان، 2020

ماڭعىستاۋدا «ANTIKOR ORTALYGY» اشىلدى

رۋحانيات • 22 اقپان، 2020

تەننيس: ەلەنا رىباكينا فينالدا

تەننيس • 22 اقپان، 2020

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار