«ارىستاعى قايعىلى وقيعا ەشكىمدى بەيجاي قالدىرمادى. بارلىق الماتىلىقتاردىڭ اتىنان قازا بولعانداردىڭ وتباسىلارىنا كوڭىل ايتامىن, زارداپ شەككەندەردىڭ تەزىرەك ساۋىعىپ كەتۋىن تىلەيمىن» دەپ جازدى قالا اكىمى ينستاگرام پاراقشاسىندا.
قالا باسشىسى تۇركىستان وبلىسى اكىمى ومىرزاق شۇكەەۆپەن سويلەسكەنىن جازدى.
«نەگىزگى پروبلەمالاردى تالقىلادىق. كوبىنە ۇيلەردىڭ تەرەزەسى سىنىپ, قاسبەتتەر بۇزىلعان, شاتىرلار وپىرىلعان. مەملەكەت باسشىسىنىڭ تاپسىرماسىمەن بىرقاتار شارا قابىلدادىق. قالانىڭ كاسىپكەرلەرى دە ءۇن قوستى. قازىر قاجەتتى قۇرىلىس ماتەريالدارى (شاتىر, شتۋكاتۋركا قوسپاسى, ەمۋلسيا, پيلوماتەريال, تەرەزە, ەسىك) جيناستىرىلىپ جاتىر» دەدى ول.
