مەملەكەتتىك قىزمەت ىستەرى اگەنتتىگىنىڭ اپپارات باسشىسى سايان احمەتجانوۆتىڭ ايتۋىنشا, 200-دەن استام قىزمەتكەر ۆولەيبول جارىسىنا قاتىسقان.
كوماندالار 4 توپقا ءبولىنىپ ۆولەيبول وينادى.توپتىق كەزەڭدە پاۆلودار, شىعىس قازاقستان, تۇركىستان, سولتۇستىك قازاقستان, اتىراۋ, باتىس قازاقستان, اقتوبە وبلىستارىنىڭ جانە الماتى قالاسى مەملەكەتتىك قىزمەتشىلەرى العا شىقتى.
مارە سوڭىنا پاۆلودار, شىعىس قازاقستان, تۇركىستان وبلىستارى مەن الماتى قالاسىنىڭ كوماندالارى اراسىندا 1-4 ورىندار ءۇشىن تالاسقا ءتۇستى.
تۋرنير قورىتىندىسى بويىنشا 3-ورىنعا تۇركىستان وبلىسى, 2-ورىنعا الماتى قالاسىنىڭ كومانداسى, ال, 1-ورىندى شىعىس قازاقستان وبلىسىنىڭ مەملەكەتتىك قىزمەتشىلەرى جەڭىپ الدى.
كوماندا كاپيتانى, بەسقاراعاي اۋدانى دولون اۋىلدىق اۋماعىنىڭ اكىمى نۇرلىبەك ءابدىراحمانوۆ جارىس ارقىلى ارىپتەستەرىمەن تاجىريبە الماسقاندارىن ايتتى.
-الماتىلىق ارىپتەستەرمەن فينالدا سىنعا تۇستىك. ويىن تارتىستى ءوتتى. مەملەكەتتىك قىزمەتكەر دەگەن تەك كابينەتتە وتىرماي سپورتپەن دە شۇعىلدانۋى قاجەت.بارلىق جاستاردى مەملەكەتتىك قىزمەتكە كەلۋگە شاقىرامىن,-دەيدى ول.
جارىسقا قاتىسۋشى مەملەكەتتىك قىزمەتكەرلەر ءبىر-بىرىمەن ارالاسىپ, بوس ۋاقىتتارىندا قىزمەت جايىندا تاجىريبە الماستى.
جەڭىمپازدار مەن جۇلدەگەرلەرگە ماراپاتتارىن وبلىس اكىمىنىڭ ورىنباسارى اسحات ورالوۆ, مەملەكەتتىك قىزمەت جونىندەگى اگەنتتىگى وبلىس بويىنشا دەپارتامەنت باسشىسى ادىلبەك مۇقاشەۆ, وبلىستىق ۆولەيبول فەدەراتسياسىنىڭ ۆيتسە-پرەزيدەنتى امانجول اۋباكىروۆ تابىس ەتتى.
تۋرنير ناتيجەسىندە حاسەن ساعاديەۆ-«ۇزدىك توسقاۋىل قويۋشى», راۋان ءۋاليحانوۆ – «ۇزدىك شابۋىلشى», سىمبات دۇيسەنعازين – «ۇزدىك قورعاۋشى», تۇركىستاندىق احان ەساليەۆ – «ۇزدىك بايلانىستىرۋشى», الماتىلىق ەسبول كۋريباي – «ۇزدىك دياگونال شابۋىلشى», قۋات مەرقودجاەۆ – «ەڭ باعالى ويىنشى» اتاندى.
جالپى, تۋرنير وڭىردەگى مەملەكەتتىك قىزمەت ىستەرى جونىندەگى دەپارتامەنتتىڭ العاشقىسى باسشىسى بولعان مەيرام سەرعازينگە ارنالىپ وتكىزىلدى.
پاۆلودار وبلىسى
سۋرەتتى تۇسىرگەن ورازبەك ساياحات
