ايماقتار • 18 ماۋسىم، 2019

نارىننىڭ ناريمانى

163 رەتكورسەتىلدى

عۇمىرى عيبراتقا تولى ابزال جاندار از ەمەس. اتىراۋ دەسە، قاسيەتتى قۇم نارىن دەسە، العاشقىلاردىڭ قاتا­­رىندا ەسىمى اتالاتىن ناريمان ۇلكەن­باەۆ­­تىڭ تا ءومىرى ونەگەگە تولى بول­دى. ەڭبەك جولىن مەديتسينا سالا­سىنان باستا­عانىمەن، تابيعات بەرگەن دارىنى ونەر الەمىنە اكەلگەن ناريمان ۇلكەن­باەۆتى ەل قا­زاق­­­­ستاننىڭ مادە­نيەت قايراتكەرى، كۇي­­شى-كوم­پوزيتور، ءانشى، ءسوز زەرگەرى رەتىن­دە تانىدى. سويلەسە – سوزگە شەشەن، شىر­قاسا – ءانى كەلىس­كەن، توگىلتە تارتسا – كۇيى كۇم­بىرلەگەن، شابىتتانسا – قارا ولەڭ­نىڭ قاسيە­تىن تانىتقان ونەر يەسىنىڭ ارتىندا مول مۇرا قالدى.

جاستىق شاعىن نارىن قۇمىن جاي­لاعان يساتاي اۋدانىندا وتكىزگەن ناري­مان ۇلكەنباي ۇلى اققىستاۋ حالىق تەاترى­­نىڭ العاشقى رەجيسسەرى بولدى. اۋىل­دىڭ ونەرگە جاقىن جاستارىن جانىنا جيناپ، حالىق تەاترىنىڭ نەگىزىن قالادى. اۋىل ونەرپازدارى 1970 جى­لى ماسكەۋدە، كەيىن يۋگوسلاۆيادا ءوت­كەن بايقاۋلارعا قاتىسىپ، ءبىرىنشى دۇنيە­جۇزىلىك فەستيۆالدىڭ جۇلدەگەرى اتان­­دى. بۇدان باسقا دا بايراقتارى از ەمەس. شاعىن اۋىلدىڭ ساحناسىنان باس­تالعان ونەر جولى ناريمان ۇلكە­­نباي­ ۇلىن قازاقستاننىڭ ەڭبەك  سىڭىرگەن قاي­راتكەرى قۇرمەتتى اتاعىنا دەيىن جەتكىزدى.

ول بار ءومىرىن اتىراۋ ءوڭىرىنىڭ مادە­نيە­تىنىڭ دامۋىنا ارنادى. وتباسىن قۇ­رىپ، ۇرپاق ءوسىردى. قازاققا ايگۇل ۇلكەنباەۆاداي تالانتتى كۇيشى سىيلادى. شاكىرت تاربيەلەدى. قاي سالادا جۇرسە دە  حالىقتىڭ العىسىنا بولەندى.

جاقىندا يساتاي اۋدانىنداعى تۇ­ششى­قۇدىق اۋىلدىق مادەنيەت ۇيىنە ناريمان ۇلكەنباي ۇلىنىڭ ەسىمى بە­رىل­دى. سالتاناتتى شاراعا قاتىسقان «ار­داگەرلەر قوعامى» رەسپۋبليكالىق ۇيىمى ورتالىق كەڭەسى توراعاسىنىڭ ءبىرىنشى ورىنباسارى، قوعام قايراتكەرى ومىرزاق وزعانباي ۇلى: «ءومىر بويى ەلگە قىزمەت ەتكەن ازاماتتىڭ اتىن ار­داق­تاۋ – تاربيەلىك ءمانى بار شارا»، دەپ اتاپ ءوتتى.

ال وبلىس ورتالىعىندا ناريمان ءۇل­كەنباەۆ اتىنداعى حالىق تەاترلا­رى مەن مۋزەي ماماندارىنىڭ ءى رەسپۋب­ليكالىق بايقاۋى ۇيىمداستى­رىلدى. سەگىز اتالىم بويىنشا ءجۇل­دەگەرلەردى انىق­تاعان ونەر دوداسىنا ەلىمىزدىڭ تۇك­پىر-تۇكپىرىندەگى حالىق تەاترلارى ار­نايى كەلدى. «ەڭ ۇزدىك سپەكتاكل» اتا­لىمىن باتىس قازاقستان وبلىسى قازتالوۆ اۋداندىق حالىق تەاترى جە­ڭىپ الدى. مۋزەي ماماندارى اراسىندا وتكەن بايقاۋدا اتىراۋ وبلىستىق تا­ريحي-ولكەتانۋ مۋزەيىنىڭ قىزمەتكەرى ءلاززات سالىقوۆا باس جۇلدەگە يە بولدى.

جاقسىلارمەن جولداس بولىپ، جاق­­سىلىقتى دارىپتەگەن، جۇرگەن جەرى جىر-دۋمان بولعان ارداقتى ازاماتتىڭ اتىن تۋ­عان جەرى وسىلايشا ۇلىقتاپ جاتىر. اتا­­مەكەننىڭ قۇرمەتىنەن اسقان سىي بولار ما؟

 

اتىراۋ

سوڭعى جاڭالىقتار

تولەم الۋعا – Telegram-بوت

قوعام • بۇگىن، 08:05

پەتروپاۆل كارانتينگە جابىلدى

ايماقتار • بۇگىن، 08:00

قارجى حالىققا باعىتتالادى

ۇكىمەت • بۇگىن، 07:53

قۇپتارلىق قادام

پارلامەنت • بۇگىن، 07:47

مەشىتتە بەتپەردە تسەحى اشىلدى

ايماقتار • بۇگىن، 07:35

ەلگە پايداسى تيگەن ادام جاقسى

پارلامەنت • بۇگىن، 07:30

اۋدان ءومىرىنىڭ ايناسى

ايماقتار • بۇگىن، 07:27

ارمان الاسارماسىن

رۋحانيات • بۇگىن، 07:22

ديقان ديزەلدى تومەن باعاعا الادى

ەكونوميكا • بۇگىن، 07:11

كوروناۆيرۋسسىز قوستاناي

ايماقتار • كەشە

ۇقساس جاڭالىقتار