مەموراندۋم اياسىندا ەۇۋ-دە «ەنريكو ماتتەي» يتاليان ءتىلى مەن مادەنيەتى ورتالىعى اشىلىپ, ستۋدەنتتەرمەن قوسا كەز كەلگەن يتاليان ءتىلىن ۇيرەنگىسى كەلگەندەرگە تەگىن كۋرستار ۇيىمداستىرىلادى.
«بۇل يتاليا – قازاقستان قاتىناستارىنىڭ تاريحي كۇنى. ءبىز ورتالىقتىڭ اتىن يتالياداعى تاريحي تۇلعا ەنريكو ماتتەيدىڭ اتىمەن اتادىق. ويتكەنى ول ەكىنشى دۇنيەجۇزىلىك سوعىستان كەيىنگى قۇرىلىمدى قالپىنا كەلتىرۋگە جانە يتاليانىڭ ەكونوميكالىق قۋاتىنىڭ ارتۋىنا ۇلكەن ۇلەس قوسىپ قانا قويماي, ءبىلىم بەرۋ سالاسىنا دا كوپ كۇش سالعان قايراتكەر», دەدى ەلشى پاسكۋالە د’اۆينو.
ۋنيۆەرسيتەت رەكتورى ەرلان سىدىقوۆ ەلشىلىكتىڭ قولداۋىنا جانە Eni كومپانياسىنىڭ يگىلىكتى ىسكە دەمەۋ كورسەتىپ وتىرعانىنا العىس ءبىلدىردى. يتاليان ءتىلىنىڭ مۇعالىمى روزا حاسەنوۆا ۋنيۆەرسيتەتتە بولاشاق ديپلوماتتار مەن اۋدارماشىلارعا يتاليان ءتىلى 2000 جىلداردىڭ باسىنان بەرى وقىتىلىپ كەلە جاتقانىن ايتتى. سونداي-اق اكادەميالىق ۇتقىرلىق باعدارلاماسى اياسىندا يتاليانىڭ ەڭ ۇزدىك جوعارى وقۋ ورىندارىمەن بىرلىكتە جازعى مەكتەپتەر ۇيىمداستىرىلىپ, جەتەكشى پروفەسسورلار قابىلدانادى.
