قوعام • 11 ماۋسىم، 2019

باسپانا باعاسى قىمباتتادى

359 رەتكورسەتىلدى

2019 جىلى قازاقستاندا باسپانالاردىڭ ورتاشا باعاسى ءوستى. ءساۋىر-مامىر ايلارىندا 13 ايماقتا باعا وڭ ديناميكا كورسەتتى. ونىڭ ىشىندە كەيبىر كورسەتكىشتەر سوڭعى 2-3 جىلدىڭ ارالىعىندا رەكوردقا جەتكەن. بۇل تۋرالى Krisha.kz سايتى حابارلادى.

يندەكستىڭ ايتارلىقتاي ءوسۋى شىمكەنت قالاسىندا بايقالدى، بۇل قالادا 1 شارشى مەتردىڭ باعاسى 4،1% ءوسىپ، ءار شارشى مەتر 212 مىڭنان 220،8 مىڭ تەڭگەگە دەيىن كوتەرىلگەن.  مامىر ايىنىڭ سوڭىندا جانە ماۋسىمنىڭ باسىندا ءبىر شارشى مەترىنىڭ باعاسى ورتا ەسەپپەن 282 314 تەڭگەگە جەتتى.

الماتىدا باعا يندەكسى قاڭتار ايىندا سوڭعى ەكى جارىم جىلداعى كورسەتكىشتى جاڭارتتى: ءبىر شارشى مەتر 373،5 تەڭگەگە باعالانىپ تۇر (+10 250 تەڭگە)، ياعني جەلتوقسان ايىنا قاراعاندا 2،8% وسكەن.

الدىڭعى كورسەتكىشتەرمەن سالىستىرعاندا بۇل جاڭا باعالار ايتارلىقتاي قىمباتتاۋ بولىپ سانالادى. باعاسى تۇسكەن جالعىز قالا - اقتاۋ. وڭىردە پاتەر قۇنى 5،2% ارزانداپتى. قازىرگى ۋاقىتتا شارشى مەترى 196 مىڭ تەڭگە. وعان قوسا اقتاۋ ەڭ قىمبات بەس قالا قاتارىنان شىعىپ، التىنشى ورىنعا ءتۇستى.

سالىستىرمالى  تۇردە ايتساق، بۇل باعا ساۋىردەگى كورسەتكىشتەن 0،8%-عا جوعارى.

ۇلتتىق ەكونوميكا مينيسترلىگىنىڭ ستاتيستيكا كوميتەتىنىڭ مالىمەتىنشە، باسپانا باعاسى 2018 جىلدىڭ جەلتوقسانىمەن سالىستىرعاندا 2،4%-عا، بىلتىرعى قاڭتار-مامىر ايلارىمەن سالىستىرعاندا 3،1%-عا قىمباتتاعان. بۇرىن سالىنعان، قايتا ساتىلاتىن پاتەردىڭ 1 شارشى مەترىنىڭ مامىر ايىنداعى ورتاشا باعاسى – 192 201 تەڭگە.

بۇل كورسەتكىش بىلتىرمەن سالىستىرعاندا 1،9%، 2019 جىلدىڭ قاڭتار-مامىر ايلارىندا بىلتىرعى جىلدىڭ وسى كەزەڭىمەن سالىستىرعاندا 2،7% وسكەن.

اباتتاندىرىلعان تۇرعىن ءۇيدى جالعا الۋ اقىسى 3،8%-عا قىمباتتادى. جاڭا تۇرعىن ءۇيدىڭ ءبىر شارشى مەترى ورتاشا 253 مىڭ 242 تەڭگەدەن ساتىلدى. ال قايتا ساتىلعان اباتتاندىرىلعان تۇرعىن ءۇيدىڭ شارشى مەترى  185 مىڭ 664 تەڭگەگە، اباتتاندىرىلماعاندارى 114 مىڭ 496 تەڭگەگە باعالانعان. اباتتاندىرىلعان تۇرعىن ءۇيدىڭ ءار شارشى مەترى 1 مىڭ 329 تەڭگەدەن جالدانعان.    

جالدامالى  باسپانا باعاسىندا دا وزگەرىس بار. 2019 جىلدىڭ مامىر  ايىندا جالدامالى پاتەردىڭ قۇنى 1 شارشى مەتر ءۇشىن 1،4 مىڭ تەڭگەنى قۇرادى. بۇل وتكەن جىلدىڭ جەلتوقسان ايىنداعى كورسەتكىشپەن سالىستىرعاندا 1،5% جوعارى.   تۇركىستان مەن تالدىقورعاندا جالدامالى باسپانا ءبىر اي ىشىندە سايكەسىنشە 15% (1 ش.م. ءۇشىن 1،7 مىڭ تەڭگەگە دەيىن) جانە 5،3% (1 ش.م. ءۇشىن 1،2 مىڭ تەڭگەگە دەيىن)قىمباتتاعان. سونىمەن قاتار، تارازداعى جالدامالى پاتەردەر 2،8%، استانادا - 2%، اقتوبەدە - 1،2% جانە ورالدا - 1،1% قىمباتتادى. باسقا وڭىرلەردە قاڭتار ايىندا باعا وزگەرە قويعان جوق.

ايتكەنمەن، جاڭا پاتەردىڭ 1 ش.م ءۇشىن ساتۋ باعاسى 0،6% قىمباتتاپ، 277،4 مىڭ تەڭگەنى قۇراسا، قايتا ساتۋ باعاسى 0،3% جوعارىلاپ، 189،1 مىڭ تەڭگەنى قۇرادى. 
جاڭادان سالىنعان پاتەرلەر كوبىنە ورالدا (6%، 1 ش.م. ءۇشىن 156،2 مىڭ تەڭگەگە دەيىن)، الماتىدا (1،6%، 1 ش.م. ءۇشىن 332،5 مىڭ تەڭگەگە دەيىن)، كوكشەتاۋدا (0،9%، 1 ش.م. ءۇشىن 194،1 مىڭ تەڭگەگە دەيىن) جانە شىمكەنتتە (0،4%، 1 ش.م. ءۇشىن 318،7 مىڭ تەڭگەگە دەيىن) قىمباتتاعان.

الماتى

سوڭعى جاڭالىقتار

ۇقساس جاڭالىقتار