الماتى بيلىگى ونىڭ شەشىمىن تاپتى. «كولىك جولايرىقتارىنىڭ تىرەۋىش قابىرعالارىنان دەمونتاجدالعان گرانيت تاقتالار تروتۋرالاردىڭ اعىمداعى جوندەۋ جۇمىستارىنا جانە كوشەلەردى اباتتاندىرۋدا پايدالانىلاتىن بولادى, سونداي-اق الەۋمەتتىك نىسانداردا قولدانىلادى» دەپ حابارلايدى الماتى قالاسى اكىمدىگىنىڭ ءباسپاسوز قىزمەتى.
قالا موبيلدىگى باسقارماسىنىڭ حابارلاۋىنشا, 5 جولايرىقتان دەمونتاجدالعان بارلىق تاقتالاردى يگەرۋ جوسپارلانىپ وتىر. قازىرگى تاڭدا العاشقى جولايرىقتان 6,5 مىڭ شارشى مەتر تاقتا الىندى, ونىڭ 2,1 شارشى مەترى تۋنەلدىڭ تومەنگى جاعىن قاپتاۋعا پايدالانىلعان. 1,2 مىڭ شارشى مەتر جارامسىز تاقتالار تروتۋارلارعا توسەلەدى, سونىمەن قاتار مەكتەپتەر مەن اۋرۋحانالاردىڭ سىرتقى جاعىنا قولدانىلماق. ال ءبۇتىن تاقتالار رايىمبەك-روزىباكيەۆ, ءسۇيىنباي-رايىمبەك جانە جاروكوۆ-ءال-فارابي داڭعىلدارىنىڭ قيىلىسىنداعى كولىك جولايرىقتارىنداعى جوندەۋ جۇمىستارىندا پايدالانىلىپ جاتىر.
مەكتەپتەر ازىردەن عيمارات سىرتىن ارلەۋ ءۇشىن دەمونتاجدالعان تاقتالارعا ءوتىنىم بەرىپ جاتىر, جوندەۋ جۇمىستارى شىلدەدە باستالادى. ءبىلىم مەكەمەلەرى مەكتەپتەردى جوندەۋ جۇمىستارى كەزىندە شىعىننىڭ كوبىسى ينجەنەرلىك جۇيەلەردى جۇرگىزۋگە كەتىپ, اباتتاندىرۋعا كەلگەندە ۇنەمدەۋگە تۋرا كەلەتىنىن العا تارتىپ وتىر. ولاردىڭ ايتۋىنشا, بۇل جوندەۋ جۇمىستارىن ايتارلىقتاي شىعىنسىز اياقتاۋعا جاقسى مۇمكىندىك.
الماتى
