بالالاردى قورعاۋ كۇنى – بۇل بالالاردىڭ وزدەرى ءۇشىن كوڭىلدى مەرەكە عانا ەمەس, بۇل بارلىق بالالاردىڭ باقىتتى ءوسۋى, وقۋى, سۇيىكتى ىسىمەن اينالىسۋى جانە بولاشاقتا ءوز ەلىنىڭ تاماشا اتا-انالارى مەن ازاماتتارى بولۋى ءۇشىن بالانىڭ قۇقىعىن قورعاۋ قاجەتتىلىگى تۋرالى قوعام ەسىنە سالۋ.
اتالعان مەرەكەگە وراي ماڭعىستاۋ وبلىسى پوليتسيا دەپارتامەنتى ءوز ەسىگىن وبلىستىق بالالار اۋىلىنىڭ 40 تاربيەلەنۋشىسىنە ايقارا اشتى.
بالالاردى ءوزىن قۇرمەتتەۋگە, الەۋمەتتىك ماندىلىك سەزىمىن, جەكە تۇلعا رەتىندە كورسەتە بىلۋگە تاربيەلەۋ ماقساتىنداعى شارادا بالالار دەپارتامەنتتىڭ مۇراجايىندا ورنالاسقان ەكسپوناتتارمەن تانىستى. جەدەل-باسقارۋ ورتالىعىنداعى بەينەباقىلاۋ كامەرالار ارقىلى بۇكىل قالانى كورە الدى. ودان كەيىن بالالار "دينامو" سپورت كەشەنىندە بولىپ, پوليتسەيلەرمەن بىرگە فۋتبول ويناپ, سپورتپەن شۇعىلداندى. ەستەلىك رەتىندە "دينامونىڭ" سپورتتىق كەپكاسى تارتۋ ەتىلدى.
ارنايى اۆتوبۋسپەن بالالار 14 شاعىن اۋداننىڭ تەڭىز جاعالاۋىندا ورنالاسقان «كاسپي» ستاتسيونارلىق پاترۋلدىك بەكەتىنە بارىپ, ەلەكتروموبيلدەر مەن كۆادروتسيكلداردى كورىپ قانا قويماي, بىرگە جاعاجاي ايماعىن سەرۋەندەدى. سونداي-اق, بالالار ءۇشىن پوليتسيا جىلقىلارىنا ءمىنىپ, ۆەلوسيپەد, ويىنشىق ماشينالار ايدادى.
بالالارعا تاتتىلەر, سۋسىندار مەن تاعامدار تاراتىلىپ, كاسپي تەڭىزىنە كاتەرمەن سەرۋەندەدى.
