اتاقتى اتاسىنىڭ بولعانىنا ماقتانىپ, پەرزەنتتىك پارىزبەن ءبىر قۇشاق گ ۇلىن كوتەرىپ كەلىپ, ەشقاشان كورمەسە دە, تاس مۇسىنىنە ماڭدايىن ءتۇيىستىرىپ, ارمانسىز ەركەلەپ كەتكەن ەدى سول كۇنى. ەندى, مىنە, سونداعى قۋانىشىنىڭ ءىزى دە جوق, ورناتىلعانىنا ەكى اپتا عانا بولعان اتاسىنىڭ سۋ جاڭا ەسكەرتكىشىنىڭ سۋرەتىن ءجىبەرىپتى دە, استىنا مايمىل مەن قويدىڭ سمايليگىن قوسا سالىپتى...
دينانىكى دۇرىس. بەلگىلى جۋرناليست, مارقۇم جۇماتاي سابىرجان ۇلى اعامىزدىڭ ءجيى قولداناتىن «ادام دەيىن دەسەڭ – سياعى جوق, مال دەيىن دەسەڭ – تۇياعى جوق» دەيتىن ماقالى بولۋشى ەدى. سونىڭ كەرى. «اتامدى قورلاپ جاتقاندارعا شارا قولدانباسا بولمايدى, كومەكتەسىڭىزشى!» دەپ قيىلىپتى دينا.
ادامنىڭ ءوز بەتى قىزارماسا, بىرەۋدىڭ ۇياتىنىڭ كەمدىگى ءۇشىن ءبىر نارسە ىستەۋ مۇمكىن ەمەس. كوزى تىرىلەردىڭ ايتۋىنشا, كوپتىڭ ورتاسىندا جۇرمەسە, كوڭىلى ورتايىپ, جارقىلداعان جايدارى مىنەزىمەن جان-جاعىن كۇلكىگە كومىپ جۇرەتىن ۇلى رەجيسسەر ۇرپاعىنىڭ كەلەمەجىنە ۇشىراپ, مازاعىنا اينالامىن دەپ استە ويلاماعانى انىق.
گەرمانيادا 4000-نان استام كەڭەس اسكەرىنىڭ قۇرمەتىنە قويىلعان ەسكەرتكىش بار, ارا-تۇرا «نامىسى» قايناپ تۇراتىن ناتسيستەردىڭ تاراپىنان شابۋىلعا ۇشىراپ تۇراتىنى بولماسا, قاراپايىم نەمىستەر جات جەردە شەيىت بولىپ كەتكەندەردىڭ شەكەسىنەن دە شەرتپەيدى. بۇل – مادەنيەت. ەسكەرتكىشتى قىزىقتاۋدىڭ دا مادەنيەتى بار. ءمۇسىن ونەرى ويناۋ ءۇشىن ەمەس, وي سالۋ ءۇشىن بوي كوتەرەدى. ايمانوۆقا وسى ەسكەرتكىشتىڭ تۇككە دە كەرەگى جوق ەدى, ەسكەرتكىش بىزگە كەرەك بولاتىن. ۇرپاق ءبىلىپ ءوسسىن دەدىك. وسىنى ۇرپاعىنا ۇعىندىرماق تۇگىلى, بالالارىن ايمانوۆتىڭ توبەسىنە شىعارىپ, ويناقتاتىپ قويىپ, سۋرەتكە ءتۇسىرىپ جۇرگەن اتا-انالاردىڭ مادەنيەتى ءۇشىن قوناقۇيدىڭ بالكونىنان قاراپ, ك ۇلىپ تۇرعان شەتەلدىكتەردەن ءبىز ۇيالدىق.
