رۋحانيات • 29 مامىر، 2019

جازۋشى ءۇمىت تاجىكەننىڭ جاڭا كىتابى جارىق كوردى

746 رەتكورسەتىلدى

الماتىداعى ۇلتتىق كىتاپحانانىڭ ن.داۋلەتوۆا اتىنداعى زالىندا بەلگىلى جازۋشى ءۇمىت تاجىكەننىڭ «بەگ ۋسترەملەني» اتتى جاڭا كىتابىنىڭ تۇساۋكەسەرى ءوتتى.

وقىرمانعا ۇسىنىلىپ وتىرعان جيناققا «وس سۋششەستۆوۆانيا» اتتى رومانى، «نا بەرەگۋ»، «دەۆيات ۋمر دليا ودنوي ۋممى» اتتى پوۆەستەرى مەن مەرزىمدىك باسىلىمداردا جاريالانعان ماقالالارى ەنگەن. باسپادان جاڭا شىققان كىتاپتىڭ تانىستىرىلىمىنا بايلانىستى وتكەن شارانى «پەن» كلۋبتىڭ پرەزيدەنتى  بيگەلدى عابدۋللين جۇرگىزىپ وتىردى.

ءۇمىت تاجىكەن – ورىس تىلىندە جازاتىن جازۋشى. شىعارماشىلىعى مەن بولمىسى شىنايى تۇلعا. قالامگەردىڭ قوعامدىق قۇبىلىستارعا بەي-جاي قاراي الماي، جىلدار بويى كورگەن-بىلگەنىن، جيعان-تۇيگەنىن جۇرەگىنەن وتكىزە وتىرىپ، ازاماتتىق تۇجىرىممەن جازىلعان كەزەكتى كىتابى جايلى پىكىر بىلدىرگەن قالامداستارى كوپ بولدى. قازاق ادەبيەتىنىڭ قابىرعالى قالامگەرلەرى ءابدىجاميل نۇرپەيىسوۆ، سماعۇل ەلۋباي، قۋانىش جيەنباي جاڭا جيناقتىڭ جارىققا شىعۋىمەن قۇتتىقتاپ، ىزگى تىلەكتەرىن ءبىلدىردى. قازاقستان جازۋشىلار وداعى توراعاسىنىڭ ورىنباسارى، اقىن باۋىرجان جاقىپ ءۇمىت تاجىكەننىڭ شىعارماشىلىعىنا از-كەم شولۋ جاساپ، پروزاداعى ايشىقتى ورنى تۋرالى اڭگىمەلەدى. قازاقستان جازۋشىلار وداعىنىڭ توراعاسى ۇلىقبەك ەسداۋلەتتىڭ دە لەبىزىن جەتكىزىپ، سوڭعى جىلدارى جارىق كورگەن جازبالاردان قۇرالعان جيناققا ءسات-ساپار تىلەدى.

شارا اياسىندا ۇلتتىق كىتاپحانا قورىنان ءۇمىت تاجىكەننىڭ ء ومىرى مەن شىعارماشىلىعىنا ارنالعان كىتاپ كورمەسى جانە جازۋشىنىڭ قىل قالاممەن دوستىعىن پاش ەتەتىن سۋرەتتەرىنەن  كورمە ۇيىمداستىرىلادى.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار