«امانات» ازاماتتىق الاڭىنىڭ اقتوبە وبلىستىق شتابىنىڭ جەتەكشىسى ايگۇل دۇيسەنوۆانىڭ ايتۋىنشا, ونىڭ جۇمىسى باستى بەس باعىتتان تۇرادى.
– مۇنىڭ العاشقىسى سايلاۋدى وتكىزۋگە ازىرلىكتەن باستاۋ الىپ, ودان ءارى سايلاۋشىلاردىڭ ءوز قۇقىقتارى تۋرالى حاباردار ەتەدى. مۇنداعى باستى قاعيدات ادىلدىك تانىتۋعا باعىتتالعان. سايلاۋ ۋچاسكەلەرىندە قۇرىلعان تاۋەلسىز باقىلاۋ جەلىلەرى وسى تالاپتاردىڭ مۇلتىكسىز ساقتالۋىن قاداعالايدى. بۇل حالىقارالىق ۇيىمداردىڭ ستاندارتتارىنا سايكەس جۇرگىزىلمەك. سونىمەن ءبىر مەزگىلدەگى الاڭ مۇشەلەرى سايلاۋ كوميسسيالارىمەن جانە ۇمىتكەرلەردىڭ شتاتتارىمەن قويان-قولتىق تىعىز ىنتىماقتاستىقتا قىزمەت اتقارادى, – دەدى ول.
سونداي-اق ايگۇل دۇيسەنوۆامەن اڭگىمە بارىسىندا «امانات» تەك اشىقتىقتى قولدايتىنىن بىلدىك. بۇل ورايدا وبەكتيۆتى اقپارات پەن اشىق پىكىر الماسۋ تەتىكتەرى ويلاستىرىلعان. تاۋەلسىز ديالوگ پلاتفورمالارى ءوز قىزمەتىن وسى باعىتتا ءوربىتىپ, ءارتۇرلى كوزقاراستار مەن پىكىردەگى ساراپشىلاردىڭ وي-تۇجىرىمدارىن ءبىر ارناعا توعىستىرماق. ءبىر سوزبەن ايتقاندا «امانات» قۇرمەت پەن سەنىم قاعيداتتارىن جانە مەملەكەت پەن قوعامنىڭ تەڭ ىنتىماقتاستىعىن قامتاماسىز ەتۋگە بەل بۋىپ وتىر دەۋگە تولىق نەگىز بار.
تاعى ءبىر ايتا كەتەرلىك ماسەلە, «امانات» ازاماتتىق قورىنىڭ وبلىستىق شتابى تاۋەلسىز بايقاۋشىلارعا ارنالعان ترەنينگ وتكىزۋگە باستاماشى بولا بىلەدى. مۇندا سايلاۋشىلار مەن بايقاۋشىلار مىندەتتەرىنىڭ قۇقىقتىق نەگىزدەرى جونىندە جان-جاقتى اڭگىمەلەر قوزعالدى. سونداي-اق جەرگىلىكتى سايلاۋ كوميسسيالارىمەن ءوزارا بىرلەسكەن ءىس-قيمىل جاساي ءبىلۋ جولدارى تالقىلاندى. سونىمەن بىرگە سايلاۋعا قاتىستى زاڭ بۇزۋ دەرەكتەرى تىركەلگەن جاعدايدا بايقاۋشىلار مەن مونيتورينگ جۇرگىزۋشىلەر قانداي ءىس-قيمىل تانىتۋى كەرەكتىگى جونىندە دە ءتيىستى اقپاراتتار بەرىلدى.
– قازىر وڭىردە «امانات» الاڭىنىڭ شتابى وبلىستىڭ ءار اۋدانىندا ءموبيلدى كاپيتاندار ءازىرلەۋ ءىسىن اياقتاپ كەلەدى. ءوز كەزەگىندە ءموبيلدى كاپيتاندار ءوز اۋداندارىنداعى سايلاۋ ۋچاسكەلەرىنىڭ سانىنا قاراي بايقاۋشىلار ازىرلەيدى.
– وبلىستا 529 سايلاۋ ۋچاسكەسى بار. سونىڭ بارىندە «اماناتتىڭ» بايقاۋشىلارى بولادى, – دەيدى ايگۇل دۇيسەنوۆا.
اقتوبە
