سپورت • 23 مامىر، 2019

گرۋزيندەردىڭ داڭقى دۇركىرەپ تۇر

800 رەت كورسەتىلدى

دزيۋدوشىلاردىڭ دۇنيەجۇزىلىك رەيتينگى ۇنەمى جاڭارتىلىپ تۇرادى. جارىس وتكەن سايىن ءار بالۋان قول جەتكىزگەن ناتيجەلەرىنە قاراي، وزدەرىنە تيەسىلى ۇپايدى قورجىنعا سالادى. تابىستى ونەر كورسەتكەندەرى ۇزدىكتەر تىزىمىندە ەداۋىر جوعارىلايدى. سول ارقىلى وليمپيا ويىندارىنا قاتىسۋ قۇقىعىنا يە بولادى. ال وسالدىق تانىتقاندارى تومەنگە قاراي قۇلديلايدى. ولار تورتجىلدىقتىڭ باستى دوداسىندا باق سىناۋ مۇمكىندىگىنەن ايىرىلادى.

حالىقارالىق دزيۋدو فە­دە­راتسياسىنىڭ جاڭارتىلعان رەي­تينگىنە كوز جۇگىرتسەك، مىناداي ءبىر قىزىقتى دەرەككە قانىق بولامىز. قازىرگى كەزدە گرۋزيانىڭ ەرلەر قۇراما كومانداسىنىڭ ءۇش بىردەي مۇشەسى ۇزدىكتەر تىزىمىندە كوش باستاپ تۇر. ولار – ۆاجا مارگۆەلاشۆيلي (66 كيلو)، ۆارلام ليپارتەلياني (100 كيلو) جانە گۋرام تۋشيشۆيلي (+100 كيلو). ەگەر دزيۋدو كۇرەسىندە نەبارى جەتى سالماق دارەجەسى بويىنشا جۇلدەلەر ساراپقا سالىناتىنىن ەسكەرسەك، بۇل جايتقا تاڭدانباۋ مۇمكىن ەمەس.

تاعى ەكى سالماقتا رەسەيلىك رو­بەرت مشۆيدوبادزە (60 كيلو) مەن يسپانيالىق نيكولاز شەرا­زا­ديشۆيلي (90 كيلو) شاشاسى­نا شاڭ جۇقتىرماي كەلەدى. اتاقتارى الىسقا جايىلعان قوس بالۋان وزگە ەلدەردىڭ نامىسىن قورعاپ جۇرگەنىمەن، ولاردىڭ ۇلتى گرۋزين ەكەنىن بارشا جانكۇيەر جاق­سى بىلەدى. ەكەۋى دە گرۋزيانىڭ تۋماسى. گوري قالاسىندا تۋىپ-­وس­كەن مشۆيدوبادزە بۇل كۇن­­دە­رى ورىنبوردا تۇرىپ جاتىر. ءتبيليسيدىڭ تۋماسى شەرا­زا­ديش­ۆيلي 14 جاسىندا اتا-اناسى­مەن بىرگە پيرەنەي تۇبە­گىنە قو­نىس اۋدارعان ەكەن. بۇگىن­گى تاڭ­دا ەكەۋى دە وراسان زور تابىس­قا قول جەتكىزىپ وتىر. روبەرت مشۆي­­دوبادزە – 2018 جىلعى الەم چەم­پيو­ناتىنىڭ كۇمىس جۇلدەگەرى، 2017 جىلعى ەۋروپا چەمپيونى. ني­كو­لاز شەرازاديشۆيلي – 2018 جىل­­عى الەم چەمپيونى جانە ەۋ­رو­­پا چەمپيوناتىنىڭ قولا ءجۇل­دەگەرى.

الەمدىك رەيتينگتە كوش باستاپ تۇرعان گرۋزيا دزيۋدوشىلارىنىڭ دا باعىندىرعان بەلەستەرى زور. ۆاجا مارگۆەلاشۆيلي – الەم چەم­پيوناتىنىڭ ەكى دۇركىن قولا ءجۇل­دەگەرى، ەۋروپانىڭ ءۇش دۇركىن ءجۇل­دەگەرى. ۆارلام ليپارتەلياني – ريو وليمپياداسىنىڭ كۇمىس جانە الەم چەمپيوناتىنىڭ بەس دۇركىن جۇلدەگەرى، ەۋروپانىڭ ءۇش دۇركىن چەمپيونى. گۋرام تۋشيشۆيلي – الەم جانە ەۋروپانىڭ ەكى دۇركىن چەمپيونى.

جوعارىدا ەسىمدەرى اتال­عان الەمدىك رەيتينگتىڭ كوشباس­شى­لا­رىنان بولەك، ۇزدىك وندىق­تىڭ قاتارىنا گرۋزيانىڭ تاعى ەكى وكىلى ەنىپ وتىر. ولار – امي­ران پا­پيناشۆيلي مەن لاشا شاۆ­داتۋاشۆيلي. 60 كيلو سالماق­تاعى اميران ءۇشىنشى ورىندى ەنشىلەسە، 73 كيلو سالماقتاعى لا­شا ءتورتىنشى تۇعىرعا تابان تىرەدى. سونداي-اق لۋحيمي چحۆي­مياني (60 كيلو، 12-ورىن)، بەكا گۆينياشۆيلي (90 كيلو، 14-ورىن)، ۋشانگي مارگياني (90 كيلو، 18-ورىن)، باگراتي نينياشۆيلي (66 كيلو، 25-ورىن)، لەۆاني ماتياش­ۆيلي (+100 كيلو، 24-ورىن) جانە گالا زااليشۆيلي (+100 كيلو، 25-ورىن) سىندى مارقاسقالاردىڭ ونەر­لەرى كوپشىلىكتىڭ كوڭىلىنەن شىعۋدا. بۇل جىگىتتەردىڭ بارلىعى دا «توپ-25» دزيۋدوشىنىڭ ساناتىنا قوسىلىپ وتىر. تاعى ءبىر ايتا كەتەرلىك جايت، الەم جانە ەۋروپانىڭ ەكى دۇركىن چەمپيونى، دۇنيەجۇزىلىك دودادا بەس رەت جۇلدەگەرلەر قاتارىنان كورىنگەن ۋكراينانىڭ ماقتانىشى گەورگي زانتاريا دا سول ەلدىڭ تۋماسى. ونى دا ەستەن شىعارماعان ءجون. مىنە، بار-جوعى 3،8 ميلليونعا جەتەر-جەتپەس حالىق تۇراتىن جەر اۋماعى الاقانداي عانا گرۋزيادان وسىنداي ءدۇلدۇل دزيۋدوشىلار شىعىپ وتىر.

بالكىم، گرۋزيا بالۋاندا­رى­­نىڭ بۇل تابىسىنا بەكەر تاڭ­­­دانىپ وتىرعان بولارمىز. سە­بەبى كەڭەس وداعى داۋىرىندە-اق ولار وزدەرىنىڭ مىقتىلىعىن مو­­­­­يىنداتقان. كەلمەسكە كەتكەن­ كسرو قۇراما كومانداسى سا­پىندا ونەر كورسەتكەن تالاي گرۋ­­زين جىگىتى وليمپيا ويىندارى­ مەن الەم چەمپيوناتتارىندا جە­ڭىس تۇعىرىنا كوتەرىلگەنىن كو­زى­قاراقتى كورەرمەندەر ۇمىتا قوي­عان جوق. 1964-1992 جىلدار ارالىعىندا كسرو (تمد-نى قوسا ال­­عاندا) دزيۋدوشىلارى 25 جۇلدە (5 التىن+6 كۇمىس+14 قولا) السا، سو­نىڭ 11-ءى (3+2+6) اتالمىش ەلدىڭ ورەن­دەرىنىڭ ەنشىسىندە.

تاۋەلسىزدىككە قول جەتكىز­گەن­­­­­­­نەن كەيىن گرۋزيا قۇراماسى وليم­­پيا ويىندارىندا 3 التىن، 2 كۇمىس جانە 3 قولانى ولجالادى. دۇنيە ءجۇزىنىڭ بارلىق كوماندالارىن قوسا العاندا، وسى كورسەتكىش جاعىنان ولار 13-ورىندا نىق تۇر. ال 1993-2018 جىلدار ارالىعىنداعى الەم چەمپيوناتتارىندا قاپ تاۋىنىڭ قىراندارى 28 مارتە (3+10+15 قولا) جەڭىس تۇعى­رىنا كوتەرىلدى. ودان بولەك، دۇنيە ءجۇزى جانە قۇرلىق ءبىرىن­شى­لىكتەرىنىڭ كوماندالىق سايىسىندا ولاردىڭ سان مارتە باس جۇلدەنى ولجالاعانىن دا ايتا كەتۋ ابزال. مىنە، رۋحى بيىك گرۋزيالىقتاردىڭ دزيۋدوشىلار دوداسىندا قول جەتكىزگەن تابىستارى وسىنداي.

ال ەرلەردىڭ الەمدىك رەي­تين­گىنە قايتا ورالساق، قازىرگى كەز­دە «توپ-10» دزيۋدوشىنىڭ قاتار­ىندا رەسەي مەن جاپونيا بالۋان­دارىنىڭ قاراسى مول. رەسەي­لىك­­تەردىڭ – 9، جاپونداردىڭ ­8 ساڭ­لاعى ۇزدىكتەر ساناتىندا. سو­نى­مەن قاتار گرۋزيا، موڭعوليا، يز­رايل­دىڭ – 5، وڭتۇستىك كورەيا مەن گول­لانديانىڭ – 4، قازاقستان، برا­­زيليا، ازەربايجاننىڭ – 3، يس­پانيا مەن سەربيانىڭ – 2، ءوز­بەك­ستان، مولدوۆا، ۋكراينا، شۆەتسيا، كانا­دا، كوسوۆو، يران، بەلگيا، گەرمانيا، تۇركيا، ۆەنگريا، كۋبا، پور­تۋگاليا، ەگيپەت، يرلانديا، چە­حيا جانە اۋستراليانىڭ 1 وكىلى ءدال سونداي قۇرمەتكە بولەنىپ وتىر.

سوڭعى جاڭالىقتار

الماتىدا ەپيداحۋال كۇردەلەنىپ بارادى

كوروناۆيرۋس • بۇگىن، 11:00

«سارى» ايماقتا تۇركىستان وبلىسى تۇر

كوروناۆيرۋس • بۇگىن، 09:10

كوروناۆيرۋس قايتا كۇشەيدى

كوروناۆيرۋس • بۇگىن، 08:54

وڭتايلىسى – ونلاين وقۋ

ايماقتار • بۇگىن، 08:53

ساپا ارتپايىنشا، سۋبسيديا جوق

ايماقتار • بۇگىن، 08:45

كوروناۆيرۋس قايتا ءورشىدى

الەم • بۇگىن، 08:42

ۆيرۋس جۇقتىرۋ ازايماي تۇر

كوروناۆيرۋس • بۇگىن، 08:30

اسىعىس شەشىم

قازاقستان • بۇگىن، 08:15

كومەك كورسەتىلەدى

قوعام • بۇگىن، 08:10

قور ستراتەگياسى ازىرلەنەدى

قازاقستان • بۇگىن، 08:00

ۇقساس جاڭالىقتار