كاسىپورىننىڭ شيكىزات قۋاتتىلىعى – 5 مىڭ توننا ەت. ەت تەرەڭدەتىپ وڭدەلىپ, 3 مىڭ توننا دايىن ءونىم شىعارىلادى. شۇجىق ونىمدەرى مەن جارتىلاي فابريكاتتار ەكسپورتقا جىبەرىلەدى.
«كاسىپورىننىڭ ورتالىق ازيادا بالاماسى جوق. ينۆەستيتسيا كولەمى 5 ميلليارد تەڭگەنى قۇرايدى. 74 جاڭا جۇمىس ورنى اشىلدى. بارلىعى 100 ادام ەڭبەك ەتەتىن بولادى», دەدى اشىلۋ سالتاناتىندا سويلەگەن سوزىندە ايماق باسشىسى قۇمار اقساقالوۆ.
نەمىس تەحنولوگياسى بويىنشا سالىنعان كومبيناتتا بىرنەشە تسەح بار. شوشقا كەشەنىنىڭ قۋاتتىلىعى – 50 مىڭ باس. وندا 92 ادام ەڭبەكتەنۋدە. جۋىردا تاعى ءبىر كەشەننىڭ قۇرىلىسى باستالادى.
EMC Agro جشس-ءنىڭ ديرەكتورى قانات اتايبەكوۆتىڭ ايتۋىنشا 2020 جىلعا تامان شوشقا 100 مىڭ باسقا جەتكىزىلەدى. جەمازىق زاۋىتى سالىنىپ, كەشەن ودان ءارى ۇلعايتىلادى.
بىلتىر وسى اۋداندا «بيو وپەرەيشەينس» زاۋىتى ەسىگىن ايقارا اشقان بولاتىن. وندا قازىر 450 ادام جۇمىس ىستەيدى. نىسان بيوەتانول, كراحمال مەن كىلەگەي شىعارۋمەن اينالىسادى.
