جيىندى اشقان ۆيتسە-پرەمەر گۇلشارا ابدىقالىقوۆا الەمنىڭ بارلىق ەلدەرى مەن حالىقارالىق ۇيىمداردىڭ كۇن تارتىبىندە تۇرعان ەڭبەك نارىعىنداعى جاھاندىق سىن-قاتەرلەردى اتاپ ءوتتى. «قازاقستاندا وسى ماسەلەلەرگە دەن قويۋدىڭ جۇيەلى شارالارى قالىپتاستىرىلىپ, جۇزەگە اسىرىلۋدا. قۇرىلىمدىق رەفورمالار جوسپارلى تۇردە جۇرگىزىلىپ كەلەدى. حالىقارالىق وزىق ءتاجىريبەگە جاقىنداۋ ءۇشىن ەىدۇ ستاندارتتارى ەنگىزىلۋدە», دەدى گ.ءابدىقالىقوۆا. ونىڭ ايتۋىنشا, ۇكىمەت الدىندا اۋقىمدى مىندەتتەر تۇر: 2025 جىلعا قاراي لايىقتى ەڭبەكاقىسى مەن قاۋىپسىز جاعداي قاراستىرىلعان 1 ملن-نان استام جۇمىس ورنىن قۇرۋ. بارلىق قىزمەتكەردىڭ بىلىكتىلىك دەڭگەيىن ارتتىرۋ. ءومىر بويى ۇزدىكسىز وقىتۋ ۇلگىسىنە كوشۋ ءۇشىن جاعداي جاساۋ.
وسىدان كەيىن ءسوز العان ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپارباەۆ ەلىمىزدىڭ حەۇ باعىتىن, سونداي-اق ونداعى جاھاندىق كوميسسياسىنىڭ بولاشاق ەڭبەك سالاسىنداعى ماسەلەسى تۋرالى ۇسىنىمدارىن تولىق قولدايتىنىن جەتكىزدى. «مينيسترلىك جاھاندىق سىن-قاتەرلەر مەن ەلدە قالىپتاسقان ءۇردىستەردى ەسكەرە وتىرىپ, قازاقستان ەڭبەك نارىعىنىڭ بولاشاعى تۋرالى بولجام ازىرلەدى. حالىقتىڭ سانى 2025 جىلعا قاراي 19,8 ملن-عا دەيىن نەمەسە 1,6 ملن ادامعا ءوسۋى مۇمكىن. جۇمىس كۇشىنىڭ سانى 6,7%-عا ارتىپ, 9,8 ملن ادامدى قۇرايدى (2017 جىلى 9,0 ملن)», دەدى ب.ساپارباەۆ. ونىڭ ءمالىمەتىنشە, ەكونوميكاداعى تەحنولوگيالىق جاڭعىرتۋدى ەسكەرسەك, 2025 جىلعا قاراي كادرلارعا دەگەن قاجەتتىلىك 570 مىڭنان استام ادامدى قۇرايدى. سوندىقتان ورتا جانە جوعارى بىلىكتى جۇمىس ورىندارىنىڭ سانىن 766 مىڭعا ارتتىرۋ كوزدەلىپ وتىر. بىلىكتىلىگى تومەن ەڭبەككە دەگەن سۇرانىس قىسقارادى. مۇنداي جۇمىس ورىندارىنىڭ سانى ەكونوميكانىڭ ءداستۇرلى سالالارىن جاڭعىرتۋ ەسەبىنەن 530 مىڭعا ازايادى.
سونىمەن قاتار ب.ساپارباەۆ كونفەرەنتسيا بارىسىندا ءبىرقاتار ەكىجاقتى كەزدەسۋلەر وتكىزدى. ايتالىق, وزبەكستان رەسپۋبليكاسىنىڭ جۇمىسپەن قامتۋ جانە ەڭبەك قاتىناستارى ءمينيسترى شەرزود قۇدبيەۆپەن ءجۇزدەستى. كەزدەسۋ كەزىندە قازاقستان مەن وزبەكستان ۇكىمەتتەرى اراسىنداعى ەڭبەكشى-ميگرانتتاردىڭ ەڭبەك قىزمەتى مەن قۇقىقتارىن قورعاۋ تۋرالى 2019 جىلدان 2020 جىلعا دەيىنگى كەزەڭگە ارنالعان كەلىسىمدى ىسكە اسىرۋ جونىندەگى بىرلەسكەن ءىس-شارالار جوسپارىنا (جول كارتاسى) قول قويىلدى.
جول كارتاسىن ازىرلەۋ تۋرالى ۇكىمەتارالىق كەلىسىم قازاقستان پرەزيدەنتى قاسىم-جومارت توقاەۆتىڭ 2019 جىلعى 15 ساۋىردەگى وزبەكستان استاناسى تاشكەنت قالاسىنا مەملەكەتتىك ساپارىندا جاسالعان. جول كارتاسىنا قول قويۋ ەلدەر اراسىنداعى ەڭبەك كوشى-قونىن رەتتەۋ سالاسىنداعى ىنتىماقتاستىقتى ودان ءارى نىعايتۋعا ىقپال ەتپەك.
ۇكىمەتارالىق كەلىسىم شەڭبەرىندە ەڭبەكشى-ميگرانتتار قابىلداۋشى مەملەكەتتىڭ زاڭناماسىنا جانە ەڭبەك شارتىنىڭ تالاپتارىنا سايكەس باسقا ادامدار ءۇشىن قاۋىپتى اۋرۋلارعا ارنالعان تەگىن مەديتسينالىق كومەكتىڭ كەپىلدىك بەرىلگەن كولەمىن الۋ قۇقىعىنا يە. ەڭبەك ميگرانتتارى ءۇشىن اقى تولەۋ جانە باسقا دا ەڭبەك جاعدايلارى جۇمىس بەرۋشى مەن قابىلداۋشى مەملەكەتتىڭ زاڭناماسىنا سايكەس ەڭبەك شارتىمەن رەتتەلەدى.
كەزدەسۋ قورىتىندىسى بويىنشا مينيسترلەر ۆەدومستۆولار اراسىندا ورناتىلعان ىسكەرلىك جانە دوستىق بايلانىستاردى جوعارى باعالايتىنىن جانە قول قويىلعان حالىقارالىق قۇجات اياسىندا ودان ءارى ىنتىماقتاستىققا دايىن ەكەنىن تىلگە تيەك ەتتى.
بۇدان بولەك, ب.ساپارباەۆ بۇۇ حالىقارالىق الەۋمەتتىك قامسىزداندىرۋ قاۋىمداستىعىنىڭ (حاقق) مۇشەلىك قىزمەتتەرى مەن بايلانىسىن دامىتۋ دەپارتامەنتىنىڭ ديرەكتورى گرەم مينتونمەن كەزدەستى. تاراپتار ىنتىماقتاستىقتىڭ وزەكتى ماسەلەلەرىن تالقىلادى. كەزدەسۋدە مينيستر حاقق-مەن ىنتىماقتاستىقتىڭ ماڭىزىن جانە باسىم باعىتتار بويىنشا ىنتىماقتاستىقتى ودان ءارى كەڭەيتۋگە مۇددەلى ەكەنىن ايتتى.
حالىقارالىق كونفەرەنتسيا بارىسىندا قاتىسۋشىلار اتالعان تاقىرىپتار توڭىرەگىندە جان-جاقتى پىكىر الماستى.
ايتا كەتەيىك, قازاقستان حالىقارالىق ەڭبەك ۇيىمىنا (حەۇ) 1993 جىلدىڭ 31 مامىرىنان بەرى مۇشە. حەۇ حالىقارالىق ەڭبەك نورمالارىن بەكىتۋگە جانە ونى ورىنداۋعا جاعداي تۋعىزادى, ەڭبەك جانە الەۋمەتتىك ماسەلەلەر بويىنشا اقپارات بەرىپ, ساراپتاما جاسايدى.
