«حان-شاتىر» ماڭىندا قازاق ەتنواۋىلى اشىلادى

«حان-شاتىر» ساۋدا، ويىن-ساۋىق ورتالىعىنىڭ الاڭىندا كيىز ۇيلەر تىگىلىپ، اتتار مەن قىران قۇستار كورمەسى ۇيىمداستىرىلادى، سونداي-اق، كەلۋشىلەر قۇمىرا جاساۋ ىسىمەن تانىسادى، ورتاعاسىرلىق ستيلدەگى ەتنوبازاردى ارالايدى. ەتنواۋىل ساعات 10:00-22:00 ارالىعىندا اشىق بولادى. شارانى نۇر-سۇلتان قالاسىنىڭ اكىمدىگى قازاقستاننىڭ ەتنوسپورت قاۋىمداستىعىمەن بىرلەسىپ ۇيىمداستىرادى.

ەتنواۋىل اۋماعىندا ورنالاسقان كيىز ۇيلەردىڭ جانىنان ۇلتتىق كادەسىيلار ساتىلاتىن ارنايى جارمەڭكە وتەدى. ەلوردا تۇرعىندارى مەن قوناقتارى ءۇش كۇندىك فەستيۆال اياسىندا اقىندار ايتىسى، مەرەكەلىك كونتسەرت سياقتى شارالاردى تاماشالاپ، نايزا لاقتىرۋ، قول كۇرەسى، ماس-رەستلينگە، ساداق اتۋ جانە سەركە كوتەرۋ جارىستارىندا كۇش سىناسادى. جارىس جەڭىمپازدارى ۇيىمداستىرۋشىلاردىڭ اتىنان باعالى سىيلىقتارمەن ماراپاتتالادى.

«Nur-Sultan Ethno Fest» شاراسىنىڭ ەرەكشەلىگى – جينالعان قاۋىم قازاق حالقىنىڭ سالت-داستۇرىمەن، ادەت-عۇرپىمەن ەتەنە تانىسا الادى. وكىنىشكە وراي، ۋاقىت وتە كەلە ولار ۇمىتىلىپ جاتىر. مىسالى، قامشىگەرلىك، تەزگە سالۋ، قولقا سالۋ، تىعىرىققا تىرەۋ، ارقان ءورۋ، قامشى ءورۋ ي شاڭىراق كوتەرۋ. فەستيۆال شەڭبەرىندە وتەتىن باستى شارا اتتا وتىرىپ ساداق اتۋدان ءبىرىنشى «التىن جەبە» الەم چەمپيوناتى بولماق. جارىسقا الەمنىڭ 20 مەملەكەتىنىڭ مەرگەندەرى قاتىسادى»،– دەيدى نۇر-سۇلتان قالاسى مادەنيەت جانە سپورت باسقارماسىنىڭ باسشىسى بولات ماجاعۇلوۆ.

اتتا وتىرىپ ساداق اتۋدان «التىن جەبە» الەم چەمپيوناتى – العاش رەت وتكىزىلگەلى وتىرعان بىرەگەي سپورتتىق جارىس. اتالمىش ءىرى حالىقارالىق تۋرنير «Nur-Sultan Ethno Fest» الاڭىندا ۇيىمداستىرىلادى. قازىرگى كەزدە ءدۇبىرلى دوداعا الەمنىڭ 20 مەملەكەتىنىڭ ۇزدىك مەرگەندەرى قاتىساتىندارىن راستاعان. ونىڭ ىشىندە ورتالىق ازيا ەلدەرىنەن وزگە مالايزيا، وڭتۇستىك كورەيا، يوردانيا، رۋمىنيا، فينليانديا، پولشا، ۆەنگريا جانە تاعى دا باسقا مەملەكەتتەردىڭ وكىلدەرى بار.

سونىمەن قاتار، 1 ماۋسىم – بالالاردى قورعاۋ كۇنى قارساڭىندا «Nur-Sultan Ethno Fest» اۋماعىندا بالالارعا ارنالعان اتتراكتسيوندار جۇمىس ىستەيدى. فەستيۆالدىڭ كىشكەنتاي قوناقتارى ەلوردالىق قۋىرشاق تەاترىنىڭ ۇزدىك قويىلىمدارىن تەگىن تاماشالايدى، اتقا ءمىنىپ، اسىق اتۋ، لاڭگى ويىندارىن وينايدى، وتباسىلىق ەستافەتاعا قاتىسادى.

«Nur-Sultan Ethno Fest» فەستيۆالىنىڭ رەسمي اشىلۋى 31 مامىردا ساعات 19:00-دە وتەدى.

10:00 – 13:00 ەتنوسپورتتىق ويىندار كورىنىسى (كوكپار، اۋدارىسپاق، تەڭگە ءىلۋ، ءداستۇرلى ساداق اتۋ، قامشىگەرلىك) 

14:00 – 18:30 «التىن جەبە» ءى الەم چەمپيوناتى. ات ۇستىندە ساداق اتۋ. وقۋ-جاتتىعۋ كەزەڭى. جەرەبە تارتۋ ءراسىمى 

19:00 – 20:30 «Nur-Sultan Ethno Fest» مەرەكەسىنىڭ سالتاناتتى اشىلۋ ءراسىمى. كونتسەرتتىك باعدارلاما

1 ماۋسىم، سەنبى. فەستيۆالدىڭ ءىى كۇنى 

10:00 – 14:00 «التىن جەبە» ءى الەم چەمپيوناتى. ازيا ءستيلى 

14:00 – 16:00 كۇي cايىس. ايتىس 

16:00 – 18:00 ەتنوسپورتتىق ويىندار كورىنىسى (كوكپار، اۋدارىسپاق، تەڭگە ءىلۋ، ءداستۇرلى ساداق اتۋ، قامشىگەرلىك) 

18:00 – 20:30 «بالداۋرەن» بالالارعا ارنالعان مەرەكەلىك كونتسەرت

2 ماۋسىم، جەكسەنبى. فەستيۆالدىڭ ءىىى كۇنى 

10:00 – 14:00 «التىن جەبە» ءى الەم چەمپيوناتى. تۇرىك ءستيلى 

14:00 – 15:30 ەتنوسپورتتىق ويىندار كورىنىسى (كوكپار، اۋدارىسپاق، تەڭگە ءىلۋ، ءداستۇرلى ساداق اتۋ، قامشىگەرلىك) 

15:30 – 18:30 «التىن جەبە» ءى الەم چەمپيوناتى. قازاق ءستيلى 

19:00 – 20:30 «Nur-Sultan Ethno Fest» مەرەكەسىنىڭ سالتاناتتى جابىلۋى. «التىن جەبە» ءى الەم چەمپيوناتى جەڭىمپازدارىن ماراپاتتاۋ ءراسىمى. كونتسەرتتىك باعدارلاما.