ال بۇل تۋرالى ورتالىق سايلاۋ كوميسسياسىنىڭ مۇشەسى زاۋرەش بايمولدينا ءتۇسىندىرىپ ءوتتى. ونىڭ ايتۋىنشا, 2019 جىلعى 6 مامىردان ورتالىق سايلاۋ كوميسسياسى 4 حالىقارالىق ۇيىمنان 45 بايقاۋشىنى اككرەديتتەگەن. اككرەديتتەۋگە ۇسىنىستاردىڭ تۇسۋىنە بايلانىستى ول مالىمەتتەر ءوز ۋاقىتىندا جاڭارتىلىپ وتىرادى. شەت مەملەكەتتەر مەن حالىقارالىق ۇيىمداردىڭ بايقاۋشىلارىن اككرەديتتەۋدى ورتالىق سايلاۋ كوميسسياسى 2019 جىلعى 3 ماۋسىم كۇنى 18.00-گە دەيىن جۇزەگە اسىرادى. 2019 جىلعى 8 مامىردا سىرتقى ىستەر مينيسترلىگىنىڭ ەۋروپاداعى قاۋىپسىزدىك جانە ىنتىماقتاستىق ۇيىمىنىڭ دەموكراتيالىق ينستيتۋتتار جانە ادام قۇقىقتارى بيۋروسى ميسسياسىنان 22 ۇزاق مەرزىمدى بايقاۋشىنى اككرەديتتەۋگە ۇسىنىس ءتۇسكەن. ولاردىڭ بارلىعى اككرەديتتەلۋگە شىعارىلىپ وتىر. وسىنىڭ ءبارىن ەسكەرە وتىرىپ بيىلعى 7 مامىردان 13 مامىرعا دەيىن ۇسىنىلعان بايقاۋشىلاردى قامتيتىن حالىقارالىق ۇيىمنىڭ بايقاۋشىلارىن اككرەديتتەۋ جونىندە ورتالىق سايلاۋ كوميسسياسى «قازاقستان رەسپۋبليكاسىنداعى سايلاۋ تۋرالى» 1995 جىلعى 28 قىركۇيەكتەگى قازاقستان رەسپۋبليكاسى كونستيتۋتسيالىق زاڭى 12-بابىنىڭ 1-تارماقشاسىنا, 20-2-بابىنا سايكەس ءتيىستى قاۋلى جوباسىن دايىندادى.
ز.بايمولدينا سونداي-اق بۇگىنگى كۇنى سىرتقى ىستەر مينيسترلىگىنە سايلاۋدى جاريا ەتۋ ماقساتىندا 25 شەتەلدىك باق-تىڭ 66 وكىلى ءوتىنىش بەرگەنىن, ولاردىڭ 37-ءسى اككرەديتتەلگەنىن اتاپ ءوتتى. جالپى العاندا, سىرتقى ىستەر مينيسترلىگىندە تۇراقتى نەمەسە 28 شەتەلدىك بۇقارالىق اقپارات قۇرالىنىڭ 94 ءجۋرناليسى اككرەديتتەلىپتى. ال قازىرگى ۋاقىتتا 67 حالىقارالىق بايقاۋشى اككرەديتتەلىپ ۇلگەرىپتى.
