ۇلى جەڭىسكە ولشەۋسىز ۇلەس قوسقان قازاقستاندىقتار اتا-بابالاردىڭ ەرلىگىنە لايىقتى قۇرمەت كورسەتىپ, تاعزىم ەتىپ كەلەدى. بۇل رەتتە ەلىمىزدە كوپتەگەن قوعامدىق-مادەني شارالار ۇيىمداستىرىلادى. سونىڭ ءىشىندە كۇن ساناپ قاتارى سيرەگەن ءار ارداگەردىڭ دەنساۋلىعىن كۇتۋىنە, ولارعا الەۋمەتتىك قولداۋ كورسەتۋگە باعىتتالعان جۇمىستاردىڭ ورنى ەرەكشە. وسى ورايدا جەرگىلىكتى اتقارۋشى ورگاندار ارداگەرلەرگە قۇرمەت كورسەتۋ بويىنشا ءىس-شارالار جوسپارىن ازىرلەپ, جىل سايىن بيۋدجەتتەرىنىڭ ءمۇمكىندىگىنە قاراي بىرجولعى اقشالاي تولەم مولشەرىن دەربەس بەلگىلەيتىنى بەلگىلى.
بىرجولعى تولەم بەرىلەدى
ايتالىق, ەلىمىزدە ەڭ ۇلكەن قاراجات – 542 مىڭ تەڭگەنى شىعىس قازاقستان وبلىسىندا تۇراتىن ارداگەرلەر الادى. بۇل ءوڭىردەن ەلىمىزدەگى ەڭ كوپ, ياعني 100-دەن استام كەڭەس وداعىنىڭ باتىرى شىققان بولاتىن. ال نۇر-سۇلتان قالاسىندا – 519 مىڭ تەڭگەدەن الادى. ايتا كەتۋ كەرەك, بيىل الماتى قالاسى اكىمدىگى ارداگەرلەرگە بەرىلەتىن ءبىر رەتتىك ءتولەمدى ەكى ەسەگە ارتتىرىپ, 500 مىڭ تەڭگەدەن بەرۋ تۋرالى شەشىم قابىلدادى.
سول سياقتى اقمولا جانە پاۆلودار وبلىستارىندا ارداگەرلەر شامامەن 500 مىڭ تەڭگەدەن السا, قاراعاندى, اتىراۋ, اقتوبە جانە باتىس قازاقستان وبلىستارىندا تولەم 300 مىڭ تەڭگەنى قۇرايدى. ماڭعىستاۋ, سولتۇستىك قازاقستان جانە تۇركىستان وبلىستارىندا, سونداي-اق شىمكەنت قالاسىندا شامامەن 250 مىڭ تەڭگە قاراستىرىلعان. قىزىلوردا وبلىسىندا 202 مىڭ تەڭگە, قوستاناي جانە جامبىل وبلىستارىندا 150 مىڭ تەڭگەدەن بەرىلەدى.
سونىمەن قاتار ەڭبەك جانە حالىقتى الەۋمەتتىك قورعاۋ
مينيسترلىگى بيىل ۇلى وتان سوعىسىنىڭ قاتىسۋشىسىنا ءجانە ءار مۇگەدەككە كەم
دەگەندە 300 مىڭ تەڭگەدەن تولەۋگە كەڭەس بەردى. ال لەنينگرادتا قورشاۋدا
بولعان تۇرعىندارعا جالپى سوماسى 3,4 ملن تەڭگە (69 ادام), كونتسلاگەرلەردىڭ
جاسى كامەلەتكە تولماعان بۇرىنعى تۇتقىندارىنا 14,5 ملن تەڭگە (283 ادام),
قايتىس بولعان ۇوس ءمۇگەدەكتەرىنىڭ جۇبايلارىنا 79,1 ملن تەڭگە (4 179 ادام),
ۇوس كەزىندە قازا بولعانداردىڭ جەسىرلەرىنە 11,5 ملن تەڭگەگە (364 ادام), تىل
ەڭبەككەرلەرىنە 1,3 ملرد تەڭگە (67 479 ادام) جانە ۇوس قاتىسۋشىلارى مەن
ارداگەرلەرىنە تەڭەستىرىلگەن باسقا ازاماتتارعا 676 ملن تەڭگە
(15 066 ادام) قاراستىرىلعان. بۇل ساناتتاعى تۇلعالارعا ءتۇرلى ءبىرجولعى
تولەمدەر تيەسىلى.
شيپاجايدا ەمدەلەدى
سونداي-اق سوعىس مۇگەدەكتەرىن ءبىرىنشى كەزەكتە شيپاجايلىق-كۋرورتتىق ەمدەۋمەن, پروتەزدىك-ورتوپەديالىق بۇيىمدارمەن, پروتەزدەۋ بويىنشا مەديتسينالىق قىزمەتتەرمەن, سۋردوقۇرالدارمەن جانە باسقا دا كومپەنساتورلىق قوسالقى قۇرالدارمەن, مىندەتتى گيگيەنالىق قۇرالدارمەن, كرەسلو-اربالارمەن جانە دارىلىك زاتتارمەن قامتاماسىز ەتۋ جوسپارلانعان.
جالپى ايتقاندا, جەڭىستىڭ 74 جىلدىعىنا وراي ۇلى وتان سوعىسىنىڭ 88 862 ارداگەرىنە 2,6 ملرد تەڭگەدەن استام سوماعا ءبىر جولعى ماتەريالدىق كومەك كورسەتىلەدى.
پويىزدا تەگىن جۇرەدى
تاعى ءبىر ايتا كەتەرلىگى, جۋىردا «Samruk-Kazyna Trust» الەۋمەتتىك جوبالاردى دامىتۋ قورى «جولاۋشىلار تاسىمالى» اق-مەن بىرىگە وتىرىپ, ۇلى وتان سوعىسى مەن تىل ارداگەرلەرىنە تەمىرجولدا تەگىن ءجۇرۋ اكتسياسىنىڭ ءوتىپ جاتقانىن حابارلادى. بۇل اكتسيا «جەڭىس» رەسپۋبليكالىق الەۋمەتتىك-قايىرىمدىلىق جوباسى اياسىندا ۇيىمداستىرىلدى. اكتسيا شارتتارىنا ساي ارداگەرلەر «جولاۋشىلار تاسىمالى» اق-عا قاراستى بارلىق باعىتتاردا جانە كومپانيانىڭ تمد اۋماعىنا جۇرەتىن پويىزدارىندا تەگىن جۇرە الادى. ولارعا بارلىق ۆاگونداردا كۋپە جانە «تۇلپار-تالگو» ۆاگوندارىندا «تۋريست» پەن مۇگەدەكتەرگە ارنالعان ارنايى ورىندار قاراستىرىلعان. ۇيىمداستىرۋشىلاردىڭ ايتۋىنشا, ساپار بارىسىندا ارداگەرلەرگە تەگىن تاماق بەرىلەدى. بۇگىنگى تاڭدا بۇل جوبا ەلىمىزدىڭ 35 قالاسىندا جۇمىس ىستەيدى. تولىق اقپاراتتى zhenys.kz سايتىنان الۋعا بولادى.
