الەم • 08 مامىر، 2019

ۇلانباتىردا قازاق گەنەرالى ءمۇدارىس زايسانوۆتى ەسكە الدى

797 رەتكورسەتىلدى

كەشە ۇلانباتىر قالاسىندا قازاقستان ەلشىلىگى جەڭىس كۇنى قارساڭىندا موڭعوليانىڭ اتاقتى قازاق ۇشقىشى، موڭعوليا اۋە كۇشتەرىنىڭ باس قولباسشىسى، گەنەرال-مايور ءمۇدارىس زايسانوۆتىڭ قۇلپىتاسىنا گۇل شوعىن قويۋ ءراسىمىن وتكىزدى.

گۇل قويۋ راسىمىنە قازاقستان رەسپۋبليكاسىنىڭ موڭعولياداعى ەلشىسى قالىبەك قوبلاندين، جازۋشى، موڭعوليانىڭ بەلگىلى قوعام قايراتكەرى سۇلتان تاۋكەي ۇلى، موڭعوليانىڭ باس ءمۇفتيى باتىربەك حادىس، ۇلان-باتىرداعى «جەرلەستەر» قازاق ۇيىمىنىڭ توراعاسى تىلەۋحان ناجىكەي ۇلى، «ميات» اۋەكومپانياسىنىڭ ۇشقىشى، ەكيپاج كومانديرى اۋەز ءتاشتۋان ۇلى جانە باسقا دا قوعام بەلسەندىلەرى قاتىستى. 

ءمۇدارىس زايسانوۆ - موڭعوليا قارۋلى كۇشتەرىندە قىزمەت اتقارعان قازاق ازاماتى، گەنەرال-مايور. 1910 جىلى شىعىس قازاقستان وبلىسى زايسان وڭىرىندە  دۇنيەگە كەلگەن. 1925 جىلى  زايسان جاقتان موڭعول ەلىنە قونىس اۋداردى.

سودان 1932 جىلى مونعول ەلى اتىنان كەڭەس ەلىنىڭ ورىنبورداعى  ۇشقىشتار دايارلايتىن ۋچيليششەنى ءتامامدايدى. حالحين-گول شايقاسى كەزىندەگى ەرلىكتەرى ءۇشىن موڭعوليانىڭ جانە كەڭەس وداعىنىڭ  ەڭ جوعارعى ناگرادالارىنىڭ ءبىرى - «قىزىل تۋ» وردەنىمەن ماراپاتتالادى. 1937-1939 جىلدارى ءوزى وقىعان ورىنبورداعى ۇشقىشتار ۋچيليششەسىندە ۇستاز بولىپ قالىپ قويادى. 1944 جىلدىڭ ءساۋىر ايىندا ۇلى قۇرىلتايدىڭ № 22 جارلىعىمەن وعان گەنەرال-مويور شەنى بەرىلدى. بيىل  داڭقتى قولباسشىنىڭ تۋعانىنا 109 جىل تولادى.



 





سوڭعى جاڭالىقتار

عاسىر زۇلماتى

قوعام • كەشە

ۇقساس جاڭالىقتار