«Egemen Qazaqstan»-عا جاريالانعان «قامقور جۇرەك» اتتى ماقالادا امەريكالىق ەليزابەت تۋرنوك پەن ۆيكتوريا شاربونۋدىڭ قازاقستاندىق جەتىم, تاستاندى, قاراۋسىز قالعان جانە ءتۇرلى دەڭگەيدەگى سىرقات بالالار مەن ولاردىڭ انالارىنا كومەك كورسەتىپ جۇرگەنىن جازىپ ەدىك. http://demo.egemen.kz/article/182180-elizabet-turnok-pen-viktoriya-sharbonu-qazaqstandyq-balalargha-koemek-koersetude ەندى سول كەيىپكەرىمىزدىڭ ءبىرى – ۆيكتوريانى سوت 5 جىلعا دەيىن ەلگە كىرمەۋگە شەشىم شىعارىپتى.
ۆيكتوريا ءوزىنىڭ الەۋمەتتىك جەلىدەگى پاراقشاسىندا جاريالاعان جازباسىن: «سىزدەر دە ءبىر نارسەنى تۇسىنبەي, قاتەلەسىپ كوردىڭىزدەر مە؟ وزگە ەلدە ءومىر سۇرگەندە, بۇل ءومىردىڭ ءبىر بولىگى بولىپ كەتەتىن بولار», - دەپ باستاعان. ونىڭ ايتۋىنشا, وتكەن بەيسەنبىدە, ياعني مامىردىڭ ەكىسىندە جامبىل وبلىستىق كوشى-قون پوليتسياسىنان حابارلاسىپ, بولىمشەگە كەلۋىن سۇرايدى. بارسا, بۇرىنعى جازعان ءبىر ارىزىندا قاتە كەتىپتى. ۆيكتوريا تۇسىندىرۋگە تىرىسقانىمەن, وفيتسەر بۇل تۋرالى جازىپ, اكىمشىلىك سوتقا تاپسىراتىنىن ايتقان. «جۇما كۇنى سوت شاقىرىپ, ايىپتى دەپ تانىلدىم. سوت شەشىمى بويىنشا 5 كۇن ىشىندە ەلدەن كەتىپ, 5 جىلعا دەيىن كىرە المايمىن» دەپ قىنجىلادى ۆيكتوريا.
«قامقور جۇرەك» قايىرىمدىلىق قورىنىڭ ۇيلەستىرۋشىسى اسەل فاتيحوۆا: «ۆيكتوريا 2018 جىلى تۇرعىلىقتى مەكەنجايعا قۇجات تاپسىرعاندا بارلىعى ورىسشا بولعاندىقتان, ول ءۇشىن باسقا ادامدار تولتىرعان. ويتكەنى ول ورىسشا بىلمەيدى. سول كەزدەگى اۋدارماشى «ءسىز بۇرىن تۇرعىلىقتى مەكەنجايعا قۇجات تاپسىردىڭىز با؟» دەگەن سۇراقتى «ءسىز بۇرىن تۇرعىلىقتى مەكەنجاي العانسىز با؟» دەپ قاتە اۋدارعان. سوندا ۆيكتوريا «جوق» دەپ جاۋاپ بەرەدى. الايدا ولار 2010 جىلى قۇجات تاپسىردى. سول وتىنىشتەن سوڭ تۇرعىلىقتى مەكەنجايدى الدى. تارازعا كەلىپ, تىركەلدى. 6 اي جۇرگەننەن كەيىن كوشى-قون پوليتسياسى تەكسەرىپ, قاتەنى كورگەن» دەيدى. ال ودان كەيىنگى جاعداي ۆيكتوريا بايانداعانداي.
ۆيكتوريانىڭ ءىسى تۋرالى كوشى-قون كوميتەتىنىڭ ىشكى كوشى-قون بويىنشا ءبولىم باستىعى اسقار امانگەلدى ۇلىمەن تىلدەستىك. ول: «ءبىز ءوز مىندەتىمىزدى اتقاردىق. كوشى-قون كوميتەتىنەن سوتقا وتكىزىلگەن ءىس بولعاندىقتان, ءارى قارايعى شەشىم سولارعا جۇكتەلەدى. دەگەنمەن, اپەللياتسياعا تاپسىرسا, 10 كۇن تاعى ۇزارتىپ, ءىستى قايتا قاراۋعا مۇمكىندىك بار» دەيدى.
ال ۆيكتوريانىڭ ماسەلەسىنە قاراپ كورگەن ادۆوكات جانگەلدى سۇلەيمان 2018 جىلدىڭ 5 قىركۇيەكتەگى ارىزىندا قاتە مالىمەت كەتكەنىن العا تارتىپ, ماسەلەنىڭ ءمانىسىن بىلاي تۇسىندىرەدى: «قىركۇيەكتەگى قاتە 2018 جىلعى جەلتوقساندا تابىلادى. ال حاتتاما بيىلعى ساۋىردە تولتىرىلعان. اكىمشىلىك قۇقىق بۇزۋشىلىق تۋرالى زاڭىنىڭ 62-بابىنا سايكەس جاۋاپكەرشىلىككە تارتۋدىڭ ەسكىرۋ مەرزىمى – بۇزۋشىلىق جاسالعان ساتتەن باستاپ 2 اي. بۇل بىلتىرعى جىلدىڭ 5 قاراشاسىندا وتكەن. دەمەك, سوتتىڭ دەپورتاتسيا تۋرالى شەشىم شىعارۋعا قۇقىعى جوق» دەيدى. ونىڭ ايتۋىنشا, ادامنىڭ ساۋالناماداعى قاتەلىگى جالعان اقپارات بەرۋدى بىلدىرمەيدى.
ۆيكتوريا جوعارىدا اتالعان جازباسىندا: «مەن ەسەڭگىرەپ قالدىم. 19 جىلدان بەرى بار ءومىرىمدى جانىممەن, جۇرەگىممەن جەتىمدەرگە, جالعىزىلىكتى انالارعا, مۇگەدەكتەرگە, وتپەلى كەزەڭدە جۇرگەن جاندارعا كومەك كورسەتۋگە ارنادىم. جەرگىلىكتى اتقارۋشى ورگاندار بىزگە سونداي جالعىزىلىكتى انالاردى, قامقورلىقتى قاجەت ەتەتىن جانداردى جىبەرىپ وتىردى. Astana Times, Khabar News تاراپىنان بەرىلگەن «التىن جۇرەك – 2017» جۇلدەسىنە لايىق كورگەنى ءۇشىن ريزامىز» دەي كەلە قوردىڭ ەسىگى ءاردايىم اشىق بولعانىن جانە بۇدان بىلاي دا كومەك كورسەتۋدەن تاڭبايتىنىن تىلگە تيەك ەتكەن.
