پىكىر الماسۋ بارىسىندا تاراپتار شەتەلدىك ينۆەستورلاردىڭ قۇقىقتارىن قورعاۋدىڭ وزەكتى ماسەلەلەرىن, سونداي-اق ەكىنشى قازاقستان-بريتان ينۆەستيتسيالىق فورۋمىن وتكىزۋ بويىنشا دايىندىق ماسەلەلەرىن تالقىلادى. بۇل ءىس-شارا اعىمداعى جىلدىڭ قازان ايىندا لوندوندا جوسپارلانعان.
سىرتقى ىستەر مينيسترلىگىندە وتكەن كەزدەسۋدىڭ تاعى ءبىر تاقىرىبى قازىرگى ۋاقىتتا قىتايدا بەلسەندى العا دامىپ وتىرعان «ءبىر بەلدەۋ, ءبىر جول» باستاماسى اياسىندا قازاقستان مەن ۇلىبريتانيانىڭ ءوزارا ءتيىمدى ىنتىماقتاستىعىن دامىتۋ بولدى. مۇنداي ءوزارا ءىس-قيمىل بارلىق تاراپتار ءۇشىن جاڭا نارىقتارعا شىعۋعا, كاپيتال مەن يننوۆاتسيالىق تەحنولوگيالاردى تارتۋ بويىنشا قوسىمشا مۇمكىندىكتەر اشادى. بريتاندىق تاراپ ليانيۋنگان تەڭىز پورتىنىڭ, قورعاستاعى «قۇرعاق» پورتتىڭ جۇمىسى جانە قازاقستان مەن قىتاي اراسىنداعى بىرلەسكەن ونەركاسىپتىك جوبالارى تۋرالى حاباردار ەتىلدى.
سونىمەن قاتار, ءبىلىم بەرۋ, دەنساۋلىق ساقتاۋ, ساندىق تەحنولوگيالار, اۋىل شارۋاشىلىعى, لوگيستيكا جانە كولىك ءترانزيتى سياقتى ەكىجاقتى قارىم-قاتىناستاردىڭ پەرسپەكتيۆالى باعىتتارى بريتاندىق دەلەگاتسياسىنىڭ ۇلكەن قىزىعۋشىلىعىن تۋدىردى.
جالپى, كەزدەسۋ قورىتىندىسى بويىنشا تاراپتار تالقىلانعان ماسەلەلەردىڭ كەڭ اۋقىمدى كەشەنى بويىنشا ءوزارا تۇسىنىستىككە قول جەتكىزىپ, ەكىجاقتى قارىم-قاتىناستاردىڭ بارلىق سپەكترى بويىنشا ستراتەگيالىق ارىپتەستىكتى ودان ءارى نىعايتۋعا دەگەن نىق ۇمتىلىسىن راستادى.
ۇلىبريتانيا قازاقستاننىڭ ءىرى ينۆەستورلارىنىڭ بەستىگىنە كىرۋدە. 2005-2018 جىلدار ارالىعىندا ۇلىبريتانيادان جالپى تىكەلەي ينۆەستيتسيالار كولەمى 13,3 ملرد اقش دوللارىن قۇرادى. قازاقستاندا بريتاندىق قاتىسۋىمەن 860-تان استام زاڭدى تۇلعا, فيليال مەن وكىلدىكتەر تىركەلگەن, ولاردىڭ ىشىندە 500-دەن استامى بەلسەندى قىزمەت اتقارۋدا.
بارونەسسا ە. نيكولسوننىڭ قازاقستانعا ساپارى 28 ساۋىردەن باستاپ وتۋدە. ونىڭ شەڭبەرىندە بريتاندىق ساياساتكەر اتىراۋداعى مۇناي-گاز فورۋمىنا قاتىسىپ, پرەمەر-مينيستر اسقار مامين, دەنساۋلىق ساقتاۋ ءمينيسترى ەلجان ءبىرتانوۆ, «سامۇرىق-قازىنا» «ۇاق» اق باسقارما توراعاسى احمەتجان ەسىموۆپەن, سونداي-اق قازاقستان-بريتان ىسكەرلىك توپتار وكىلدەرىمەن كەزدەسۋلەر وتكىزدى.
