ايماقتار • 04 مامىر، 2019

تارازدا تاۋەلسىز قازاقستاننىڭ دامۋى تۋرالى جيىن ءوتتى

925 رەت كورسەتىلدى

ەلباسى نۇرسۇلتان نازارباەۆتىڭ قازاق مەملەكەتىنىڭ ىرگەسىن بەكىتىپ، بىرلىگىن بەكەمدەۋدە ەتكەن ەڭبەگى ەرەن. ازاتتىقتىڭ اق تاڭى اتقالى بەرى ەلىمىز بيىك بەلەستەردى باعىندىرىپ، جوعارى جەتىستىكتەرگە قول جەتكىزدى. بۇل ورايدا ەلباسىنىڭ ەڭبەگى كەيىنگى جاستار ءۇشىن ۇلكەن ونەگە ەكەنى ءسوزسىز.

كەشە جامبىل وبلىستىق ىشكى ساياسات باسقارماسىنىڭ ۇيىمداستىرۋىمەن تاراز قالاسىنداعى «قوعامدىق كەلىسىم» مەكەمەسىندە «تاۋەلسىز مەملەكەت قۇرۋداعى جانە ونىڭ دامۋىنداعى ەلباسىنىڭ ءرولى» اتتى دوڭگەلەك ۇستەل وتىرىسى ءوتتى. اۋەلى جيىن قاتىسۋشىلارىنا قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆ تۋرالى دەرەكتى فيلم كورسەتىلدى. جيىندى اشىپ، جۇرگىزىپ وتىرعان وبلىستىق ىشكى ساياسات باسقارماسى باسشىسىنىڭ ورىنباسارى بەرىك بەگاليەۆ نۇرسۇلتان ءابىش ۇلىنىڭ مەملەكەتتى قالىپتاستىرۋداعى تاريحي ءرولى جانە بەيبىتشىلىك پەن كەلىسىمدى نىعايتۋ جونىندەگى ەڭبەگىن ايتىپ ءوتتى. ال، «جاڭارۋ» سىبايلاس جەمقورلىققا قارسى جالپىۇلتتىق قوزعالىسى» رەسپۋبليكالىق قوعامدىق بىرلەستىگى جامبىل وبلىستىق فيليالىنىڭ توراعاسى قاسىمحان تولەنديەۆ ەلباسىنىڭ ەلىمىزدىڭ سىرتقى ساياسي باعىتىن ايقىنداۋعا، سونىمەن قاتار تاۋەلسىز ەلىمىزدىڭ دامۋىنا قوسقان ۇلەسىنە توقتالدى. ءوز سوزىندە «رۋحانيات» تالداۋ، اقپارات جانە مونيتورينگ ورتالىعى» قوعامدىق بىرلەستىگىنىڭ ءتورايىمى ءۇرتاي ساپاقوۆا نۇرسۇلتان ءابىش ۇلىنىڭ مەملەكەتتىڭ دامۋى ءۇشىن جۇرگىزگەن ساليقالى ساياساتى جونىندە اڭگىمە قوزعادى.

سونىمەن قاتار، «جامبىل وبلىسىنىڭ ازاماتتىق اليانسى قاۋىمداستىعى» قوعامدىق بىرلەستىگىنىڭ توراعاسى زايتجان يۋلداشەۆ، «جاستار-زەرتتەۋ» جاستار قوعامدىق بىرلەستىگىنىڭ ءتورايىمى پاريدا مامەدوۆا، «اسىل-ارمان» ۇلتتىق ءداستۇر مەن ونەردى قولداۋ» قوعامدىق بىرلەستىگىنىڭ توراعاسى رينات نۇراقباەۆ جانە «رۋحاني جاڭعىرۋ» جوبالىق ءوفيسى» مەكەمەسىنىڭ ديرەكتورى سەرىكبول بەرىكقوجا تاۋەلسىز مەملەكەت قۇرۋداعى ەلباسى ءرولىنىڭ ەرەكشە ەكەنىن اتاپ ءوتتى. ال، ىشكى ىستەر سالاسىنىڭ ارداگەرى جانىبەك مايحانوۆ، ارداگەر جۋرناليست ساپارعالي ءالىباي ەلباسى ومىرىنەن ەرەكشە ەستەلىكتەر ايتسا، جاس اقىن مارال حانتورە نۇرسۇلتان ءابىش ۇلىنا ارنالعان ولەڭىن وقىپ بەردى.

سوڭعى جاڭالىقتار

اسىل اعانىڭ شاراپاتى

رۋحانيات • كەشە

قۇيماقۇلاق

رۋحانيات • 26 قازان، 2021

قوعامنىڭ بىتەۋ جاراسى

قوعام • 26 قازان، 2021

گاز باعاسى نەگە قىمبات؟

ايماقتار • 26 قازان، 2021

فرانتسيا تىزگىنى ءۇشىن تايتالاس

ساياسات • 26 قازان، 2021

ەربوسىن ۇلىن اۋىر سىناق كۇتىپ تۇر

كاسىپقوي بوكس • 26 قازان، 2021

ۇقساس جاڭالىقتار