متق-نىڭ نەگىزگى كۇش-جىگەرى وقۋ-جاتتىعۋ بارىسىندا اسكەري قىزمەتشىلەرگە جاۋىنگەرلىك قىزمەت ءۇشىن قاجەتتى جاعداي جاساۋعا باعىتتالدى. دالالىق جاعدايلاردا ورنالاستىرۋ بارىنشا جايلىلىق, جاسىرىنۋشىلىق پەن قايتا ورىن الماستىرۋ كەزىندە ۇتقىرلىقتى بىرىكتىرۋ ءۇشىن جاسالعان. جەكە قۇرامنىڭ ىستىق تاعاممەن تاماقتانۋى, مونشا-كىر جۋ قىزمەتى بولىمدەردىڭ شارۋاشىلىق جابدىقتالىم پۋنكتتەرىندە ۇيىمداستىرىلعان. دالالىق جاعدايلاردا ماتەريالدىق-تەحنيكالىق قامتاماسىز ەتۋ بولىمشەلەرى شارۋاشىلىق جابدىقتالىمنىڭ 42 پۋنكتىن ورىستەتتى. تاماقتانۋدى ۇيىمداستىرۋ ءۇشىن 100-دەن اسا اسپازشى, شامامەن 200 بىرلىك ازىق-ت ۇلىك قىزمەتىنىڭ تەحنيكالىق قۇرالدارى, ونىڭ ىشىندە, ءبىر تاۋلىك ىشىندە 5 توننا نان پىسىرەتىن دالالىق مەحانيكالاندىرىلعان نان زاۋىتى جانە اسكەري قىزمەتشىلەردى زاتتاي م ۇلىكتىڭ قاجەتتى سانىمەن قامتاماسىز ەتۋگە ارنالعان دالالىق قويما تارتىلدى.
اسكەري گوسپيتالدار مەن لازارەتتەر دالالىق جاعدايدا قاجەتتى ەمدەۋ ينفراقۇرىلىمىن ورناتتى. جاۋىنگەرلىك قولدانۋ اۋداندارىنا ورنالاستىرۋ بارلىق قولدا بار كۇش پەن ماتەريالدىق-تەحنيكالىق قامتاماسىز ەتۋ قۇرالدارىن ورىستەتۋدى قاجەت ەتتى.
متق بولىمشەلەرى جاۋىنگەرلىك بولىمشەلەرگە ۋاقتىلى جەتكىزۋ ءۇشىن وق-دارىلەردىڭ دالالىق قويمالارىن ورىستەتتى. اسكەري تەحنيكانىڭ ۇزدىكسىز جۇمىس جاساۋ ءۇشىن دالالىق قۇيۋ پۋنكتتەرى مەن جوندەۋ شەبەرحانالارى جابدىقتالدى, ال اسكەرلەردىڭ جاۋىنگەرلىك تارتىبىندە ەۆاكۋاتسيالاۋ قۇرالدارى بار زاقىمدالعان ماشينالاردى جيناۋ پۋنكتتەرى قاراستىرىلعان.
قازىرگى ۋاقىتتا ماتەريالدىق-تەحنيكالىق قامتاماسىز ەتۋ اسكەرلەردى قامتاماسىز ەتۋدىڭ ماڭىزدى تۇرلەرىنىڭ ءبىرى بولىپ تابىلاتىنىن ايتا كەتۋ قاجەت. ونسىز زاماناۋي جاعدايدا كۇندەلىكتى قىزمەت, اۋقىمدى وقۋ-جاتتىعۋلار مەن جالپى قازاقستان ارمياسىنىڭ دايىندىعى مۇمكىن ەمەس.
