فوتو: pixabay.com
سينوپتيكتەردىڭ مالىمەتىنشە, ەلىمىزدىڭ باسىم بولىگىندە جاڭبىر جاۋىپ, كەي جەرلەردە نايزاعاي وينايدى.
قازاقستان اۋماعى بويىنشا جەل كۇشەيەدى. تۇنگى جانە تاڭعى ۋاقىتتا تۇمان تۇسەدى, ال كۇندىز كەي وڭىرلەردە بۇرشاق پەن داۋىل بولۋى مۇمكىن.
«تسيكلوندار مەن انتيتسيكلونداردىڭ وتۋىنە بايلانىستى اۋا رايى جاعدايىنىڭ ناشارلاۋى كۇتىلەدى, ونىڭ ىشىندە جاۋىن-شاشىن, جەلدىڭ كۇشەيۋى جانە سوعان بايلانىستى قاۋىپتى قۇبىلىستار بايقالادى», دەلىنگەن حابارلامادا.
ەلدىڭ باتىسىندا اۋا تەمپەراتۋراسى +15...+25 گرادۋستان +10...+20 گرادۋسقا دەيىن تومەندەيدى. سولتۇستىكتە +11...+20 گرادۋستان +15...+20 گرادۋسقا دەيىن كوتەرىلەدى.
شىعىستا اۋا تەمپەراتۋراسى +15...+23 گرادۋستان +20...+28 گرادۋسقا دەيىن اۋىتقيدى. قالعان وڭىرلەردە ايتارلىقتاي وزگەرىس كۇتىلمەيدى.
استانادا اۋىسپالى بۇلتتى, كەي ۋاقىتتا جاڭبىر جاۋىپ, كۇندىز نايزاعاي بولادى. سولتۇستىك-باتىستان سوققان جەلدىڭ جىلدامدىعى 9–14 م/س, كەيدە 15–20 م/س-قا دەيىن كۇشەيەدى. اۋا تەمپەراتۋراسى تۇندە +5...+7°س, كۇندىز +12...+14°س.
الماتىدا اۋىسپالى بۇلتتى, جاۋىن-شاشىنسىز. باتىستان سوققان جەل 3–8 م/س, كۇندىز ەكپىنى 13 م/س-قا جەتەدى. اۋا تەمپەراتۋراسى تۇندە +13...+15°س, كۇندىز +23...+25°س.
شىمكەنتتە اۋىسپالى بۇلتتى, كەي ۋاقىتتا جاڭبىر جاۋىپ, نايزاعاي بولادى. وڭتۇستىك-شىعىستان سوققان جەل 8–13 م/س, ەكپىنى 15–20 م/س-قا دەيىن جەتەدى. اۋا تەمپەراتۋراسى تۇندە +10...+12°س, كۇندىز +20...+22°س.
