وبلىستىق پوليتسيا دەپارتامەنتىنىڭ مالىمەتىنشە, 3 ءساۋىر كۇنى ساعات 22:00 شاماسىندا ماقات اۋدانىندا ءتارتىپ ساقشىلارى قۇقىققا قارسى ارەكەتتى توقتاتقان.
«وقيعا بارىسىندا ءبىر توپ ازامات اگرەسسيا تانىتىپ, پوليتسيا قىزمەتكەرلەرىنە فيزيكالىق كۇش قولدانعان. سونىڭ سالدارىنان ەكى قىزمەتكەر زارداپ شەكتى», دەپ حابارلادى ۆەدومستۆونىڭ ءباسپاسوز قىزمەتى.
وقيعاعا قاتىسقان بارلىق تۇلعالار انىقتالىپ, ولارعا قاتىستى پروتسەسسۋالدىق شارالار قابىلداندى. بيلىك وكىلدەرىنە كۇش قولدانۋ فاكتىسى بويىنشا قىلمىستىق كودەكستىڭ ءتيىستى بابى بويىنشا ءىس تىركەلىپ, سوتقا دەيىنگى تەرگەۋ جۇرگىزىلىپ جاتىر.
پوليتسيادا اتاپ وتكەندەي, قۇقىق قورعاۋ ورگاندارى قىزمەتكەرلەرىنە قارسى كەز كەلگەن زاڭسىز ارەكەت زاڭدى ورەسكەل بۇزۋ بولىپ سانالادى جانە زاڭناماعا سايكەس جاۋاپكەرشىلىككە اكەلەدى.
تەرگەۋ مۇددەسىنە بايلانىستى وزگە اقپارات جاريا ەتىلمەيدى.
