جىل سايىنعى ءداستۇر بويىنشا اتالعان جيىن ماۋسىم ايىندا «سپاسسك» وقۋ-جاتتىعۋ ورتالىعىنىڭ بازاسىندا (قاراعاندى وبلىسى) وتەدى. وعان قازاقستاننىڭ بارلىق تۇكپىرىنەن, سونىمەن قاتار تاياۋ شەتەلدەن كەلگەن اسكەري-پاتريوتتىق كلۋبتاردىڭ ۇزدىك وكىلدەرى, اسكەري مەكتەپ كۋرسانتتارى, جوعارعى وقۋ ورىندارى مەن كوللەدجدەرىنىڭ ستۋدەنتتەرى قاتىسادى.
قاتىسۋشىلار اسكەري-قولدانبالى سپورت تۇرلەرىنەن, اسكەريلەندىرىلگەن ەستافەتادان, «IQazaqstan» ينتەللەكتۋالدىق ويىنىندا, «Meniń robotym» جانە «Aibyn daỳysy» سايىستارىندا, سونىمەن قاتار, اسكەري-دالالىق تاكتيكالىق ويىنىندا باق تالاستىراتىن بولادى.
«مۇنداي ءىس-شارالار قازاقستاندىق ءپاتريوتيزمنىڭ دامۋىنا, حالىقارالىق دوستىقتى نىعايتۋعا جانە جاستاردى ۇلتتار اراسىنداعى كەلىسىم رۋحىندا تاربيەلەۋگە ۇلكەن سەپتىگىن تيگىزەدى. ءبىز بۇگىن ءاربىر قاتىسۋشىنىڭ وسى جيىنعا بارعىسى كەلەتىنىن كورىپ, قۋانىپ تۇرمىز. ەڭ كۇشتى, ەڭ شاپشاڭ, ەڭ العىر جانە ەڭ تالانتتى قاتىسۋشىلاردى ىرىكتەپ الامىز. سەبەبى, ءبىزدىڭ باستى ماقساتىمىز – جەڭىسكە جەتۋ», – دەيدى ىرىكتەۋ كەزەڭىنىڭ ۇيىمداستىرۋشىسى مايور ارمان سەرىكوۆ.
ەسكە سالايىق, «ايبىن» رەسپۋبليكالىق اسكەري-پاتريوتتىق جاستار جيىنى العاش رەت 2015 جىلى قاراعاندى وبلىسى «سپاسسك» وقۋ ورتالىعىنىڭ پوليگونىندا وتكىزىلگەن بولاتىن. جيىنعا 800 استام ادام قاتىستى. ولاردىڭ اراسىندا ەلىمىزدىڭ 16 ءوڭىرىنىڭ اسكەري-پاتريوتتىق كلۋبتارىنىڭ تاربيەلەنۋشىلەرى, 8 رەسپۋبليكالىق مەكتەپ-ينتەرناتتىڭ شاكىرتتەرى, «ارىستان» ليتسەيى جانە «جاس ۇلان» رەسپۋبليكالىق مەكتەپتەرىنىڭ وقۋشىلارى, 25 جوعارعى وقۋ ورنىنىڭ اسكەري كافەدرالارىنىڭ كۋرسانتتارى بار.
