«PechaKucha Night Astana» ينتەللەكتۋالدى كونفەرەنتسياسىن اقپارات جانە قوعامدىق دامۋ مينيسترلىگى العاش رەت ۇيىمداستىرىپ وتىر. وندا «ءجۇز جاڭا ەسىم» جوباسىنىڭ جەڭىمپازدارى ءوز يدەيالارىمەن, جاڭاشا ويلارىمەن بولىسەدى. ەلوردالىقتار مەن قالا قوناقتارىنا ەرەكشە مۇمكىندىك – شاراعا كىرۋ تەگىن.
قوسىمشا اقپارات بەرە كەتەيىك, PechaKucha Nights بەيرەسمي كونفەرەنتسيالارىندا باياندالاتىن تۇساۋكەسەرلەر, ياعني پرەزەنتاتسيالار مەن يدەيالار. سپيكەر 20 سلايدتان تۇراتىن جوباسىن ۇسىنادى, ءار سلايد 20 سەكۋند قانا كورسەتىلەدى دە, اۆتوماتتى تۇردە كەلەسى سلايدقا ءوتىپ كەتەدى. وسىلاي بايانداما ۋاقىتى 6 مينۋت 40 سەكۋندقا عانا سوزىلادى نەمەسە 6 مينۋتقا دەيىن شەكتەلەدى.
«PechaKucha Night Astana» بۇگىن, 12 ساۋىردە قازمەديا ورتالىعىنىڭ كينوكونتسەرت زالىندا 20:20-دا باستالادى.
