شاھاردا بىلتىرعى قىركۇيەكتەن بەرى 280 ادام اتالعان اۋرۋعا شالدىققان. ولاردىڭ كوبى ورتودوكستىق كوزقاراس ۇستاناتىن ەۆرەي قاۋىمى كورىنەدى. قىزىلشانىڭ مۇنشالىقتى كەڭ تاراۋى سوڭعى رەت 1991 جىلى تىركەلگەن ەكەن.
تۇرعىندار ەكپەنى 48 ساعات ىشىندە سالۋى كەرەك. الدا-جالدا بۇعان دەيىن ۆاكتسينا سالدىرسا, ونىڭ انىقتاماسىن جەرگىلىكتى مەديتسينالىق ورتالىقتارعا وتكىزۋى ءتيىس. ەگەر تۇرعىندار ەكپەدەن باس تارتسا, 1000 دوللار كولەمىندە ايىپپۇل سالىنباق.
وسى وقيعاعا بايلانىستى ءباسپاسوز جيىنىن وتكىزگەن قالا اكىمى بيلل دە بلازيو ۆاكتسينادان باس تارتۋ زاڭ بۇزۋعا سايكەس كەلەتىنىن مالىمدەدى. اللەرگولوگيا جانە جۇقپالى اۋرۋلار ۇلتتىق ورتالىعىنىڭ ديرەكتورى ەنتوني فاۋچي جەرگىلىكتى ءدىنباسىلاردى ەكپە ناسيحاتتاۋعا شاقىرىپ وتىر.
«ءدىن باسىلار, ەل اعالارى ۆاكتسينا سالدىرۋدى ءوز بالالارى عانا ەمەس, قوعام ءۇشىن قاجەتتىگىن ءتۇسىندىرۋى كەرەك. ولار قوعامىمىزدى ساقتاپ قالۋ ءۇشىن ۇجىمدىق يممۋنيتەتتى قالىپتاستىرۋعا اتسالىسۋى ءتيىس», دەدى ول.
