«قارجى ورتالىعى» اق پرەزيدەنتى اسقار يبراگيموۆ 2013 جىلعى 14 قاڭتارداعى «مەملەكەتتىك ءبىلىم بەرۋ جيناقتاۋ جۇيەسى – حالىق ءۇشىن بانكتە ءوزىنىڭ وقۋىنا نەمەسە بالالارىنىڭ بولاشاقتا وقۋىنا اقشا قاراجاتىن جيناقتاپ, وعان بانكتەن جانە مەملەكەتتەن 5 پەن 7 پايىزعا دەيىنگى مولشەردە سىياقى الۋعا بەرىلگەن مۇمكىندىك ەكەنىن جەتكىزدى. ونىڭ ايتۋىنشا, مبجج 2018 جىلى «Aqyl» دەپ اتالاتىن ءوزىنىڭ جەكە برەندىن الدى. اتالعان باعدارلاما قولدانىسقا ەنگىزىلگەلى 2 ,5 ملرد تەڭگە سوماسىنا مەملەكەت سىياقىسى اۋدارىلعان. سونىمەن قاتار بۇل سوما كولەمى جىل سايىن ءوسىپ كەلەدى. ماسەلەن, 2015 جىلى 656 سالىمشىدان 4 ملن تەڭگە جيناقتالسا, 2019 جىلعى ەسەپ بويىنشا 15 636 سالىمشىعا
ال «قارجى ورتالىعى» اق دەپارتامەنت ديرەكتورى ءبىرجان ءالىمجانوۆ: «حالقىمىزدا جاقسى ءسوز بار. «ءبىر جىلدىعىن ويلاعان ەل بيداي ەگەدى, ءجۇز جىلدىعىن ويلاعان ەل اعاش ەگەدى, ال مىڭ جىلدىعىن ويلاعان ەل سانالى ۇرپاق تاربيەلەيدى». سىزدەرگە ۇسىنىپ وتىرعان بۇل باعدارلامانىڭ ءمانى مەن مازمۇنى دا وسى قاناتتى ءسوزدىڭ اياسىندا بولىپ وتىر. ءار اتا-انا بالاسىنىڭ ءبىلىمدى بولعانىن قالايدى. ال وسى باعىت ءوز كەزەگىندە سول مۇمكىندىككە قول جەتكىزۋگە, بالا بولاشاعىنا سەنىممەن قاراۋعا ءمۇمكىندىك بەرەدى», دەي كەلە, دەپوزيت اشۋعا نيەتتى ازاماتتاردىڭ قاي بانككە بارۋعا بولاتىنىن اتاپ ءوتتى. ونىڭ سوزىنە سۇيەنسەك, مبجج سالىمدارىن حالىق بانكى (10,4%); تسەسنابانك (8,3%); نۇربانك (10,5%); ۆتب بانك (6,2%) بانكتەرى ارقىلى اشۋعا بولادى.
سونىمەن بىرگە ب.ءالىمجانوۆ «Aqyl» دەپوزيتتەرىن اشۋعا قاجەتتى قۇجاتتاردىڭ از ەكەنىن جانە العاشقى سالاتىن سوما دا ازاماتتاردىڭ الەۋمەتتىك جاعدايىنا ساي, ياعني 7575 تەڭگەنى قۇرايتىنىن ايتتى. ونىڭ ءمالىمدەۋىنشە, دەپوزيتتەر ءۇشىنشى تۇلعالاردىڭ اقشانى ءوندىرىپ الۋ شارالارىنان قورعالعان ءارى 10 ملن تەڭگەگە دەيىنگى سومادا مەملەكەت تاراپىنان كەپىلدەندىرىلگەن.
«Aqyl» دەپوزيتتەرىنىڭ العاشقى سالىمشىلارى بۇگىندە ستۋدەنت اتانىپ ۇلگەرگەن. مبجج سالىمدارىنىڭ ەسەبىنەن ءبىلىم الىپ جۇرگەن ستۋدەنتتەرگە مونيتورينگ جۇرگىزۋ ناتيجەسىندە 489 سالىمشىنىڭ وتاندىق ءارى شەتەلدىك كوللەدجدەر مەن جوو-لاردا ءبىلىم الىپ جاتقانى انىقتالدى.
