رۋحانيات • 04 ءساۋىر، 2019

الماتىدا «بۇگىنگى فرانتسۋز كينوسى» كينوفەستيۆالى ونىنشى رەت وتەدى

387 رەت كورسەتىلدى

11 جانە 14 ءساۋىر ارالىعىندا الماتىدا كورەرمەنگە فرانتسۋز كينەماتوگرافياسىنىڭ ەڭ جاڭا جاۋھارلارىن ۇسىناتىن، جاڭا حيكايالار مەن فرانتسۋز اكتەرلەرىنىڭ تاماشا ويىنىن تاماشالاۋعا شاقىراتىن مەرەيتويلىق ونىنشى «بۇگىنگى فرانتسۋز كينوسى» كينوفەستيۆالى وتەدى. بيىلعى باعدارلاماعا كىرگەن فيلمدەر ءارتۇرلى جانرلاردى: كومەديانى، مەلودرامانى، تاريحي كينونى جانە «قىسقا مەتر» باعدارلاماسىن قامتيدى.

– قازىرگى فرانتسۋز كينەماتوگرافى بۇل وزىندىك قۇندىلىقتارى، وزىندىك اتموسفەراسى بار كينو، – دەيدى ونەرتانۋ دوكتورى، قازاقستاننىڭ كينوسىنشىلار قاۋىمداستىعىنىڭ پرەزيدەنتى گۇلنار ابىكەەۆا. قازىر ءبىز زورلىق-زومبىلىق، كىسى ءولتىرۋ كوپ قىلمىستىق كينو داۋىرىندە ءومىر ءسۇرىپ جاتىرمىز. ال فرانتسۋز كينوسى بۇرىنعىشا جانعا جىلۋ سىيلايتىن كۇيىندە. جانە بۇل تەك كومەديالارعا نەمەسە مەلودرامالارعا عانا قاتىستى ەمەس. بيىلعى باعدارلامادا «اماندانىڭ جاڭا ءومىرى» دەگەن دراما بار. وندا 24 جاستاعى جىگىت ءوز اپكەسىنىڭ ولىمىنەن كەيىن 7 جاسار نەمەرە قارىنداسىنا باس-كوز بولىپ قالادى. بۇل وسىعان دەيىن تەك مانسابىمەن جانە قىز-قىرقىنمەن قارىم-قاتىناسىمەن باس قاتىرعان جاس جىگىتتىڭ ءومىرىن بايانداۋداعى جاڭا ءتاسىل. كۇتپەگەن جەردەن جاس جىگىت كىشكەنتاي قىزعا اكە دە، انا دا بولۋى كەرەك. ماعان فرانتسۋز كينوسىنىڭ جىلۋلىق سىيلايتىنى ۇنايدى. ەڭ باستى ەرەكشەلىگى، فرانتسۋز كينوسىندا تاماشا اكتەرلەر وينايدى.  ايتپاقشى، بيىل كورسەتىلەتىن فيلمدەردە جاڭا اكتەرلەردىڭ ەسىمدەرى كوپ بولادى.

فەستيۆالدىڭ اشىلۋى مەن جابىلۋى، سونىمەن قاتار نەگىزگى كورسەتىلىمدەرى UniFrance اگەنتتىگى مەن ونىڭ سەرىكتەستەرى – فرانتسيانىڭ قازاقستانداعى ەلشىلىگى جانە الماتىداعى فرانتسۋز اليانسى ۇيىمداستىرعان فەستيۆالدىڭ باستى الاڭىنا اينالعان «ارمان» كينوورتالىعىندا وتەدى.


الماتى

سوڭعى جاڭالىقتار

شىرقاۋ شىڭى شوقاننىڭ

رۋحانيات • كەشە

ۇقساس جاڭالىقتار