«ءبىزدىڭ مىندەتىمىز – ەلباسى باعىتىن جالعاستىرۋ. ەلدىڭ جەتىستىكتەرى مەن ۇلىلىعى. بۇل ءۇشىن نەگىز قالانعان. بەس ينستيتۋتتىق رەفورما, ۇلت جوسپارى – «قازىرگى زامان مەملەكەتى بارلىعى ءۇشىن» قابىلداندى, قوعام الەۋمەتتىك جانە رۋحاني جاڭعىرتۋعا بەلسەندى كىرىستى. ەلباسىنا ءبىزدىڭ ەڭ جاقسى قولداۋىمىز – قازاقستان يگىلىگى ءۇشىن ادال ءجانە جانكەشتى جۇمىس اتقارۋ. ءبىزدىڭ ەلىمىزدەگى الەۋمەتتىك-ەكونوميكالىق جانە ساياسي رەفورمالار جەتىستىگىنىڭ داۋسىز نەگىزى رەتىندە نۇرسۇلتان نازارباەۆتىڭ ەسىمى بەرىلگەن قوعامدىق كەلىسىم مەن جالپىۇلتتىق بىرلىكتىڭ قازاقستاندىق مودەلى بولدى. قازاقستان حالقى اسسامبلەياسىندا جۇزەگە اسىرىلعان ول بارلىق ازاماتتاردىڭ ەتنوستىق جانە ءدىني تيىستىلىگىنە قاراماستان ناقتى تەڭدىگىنىڭ پارمەندى تەتىگىنە اينالدى. بۇگىن ءبىز دامۋدىڭ جاڭا كەزەڭىنە قادام باستايمىز. بىزگە ەلباسىنىڭ ستراتەگيالىق باعىتىنىڭ ساباقتاستىعىن قامتاماسىز ەتۋ ماڭىزدى», دەدى ول.
قحا حاتشىلىعىنىڭ باسشىسى سونىمەن قاتار قازاقستان پرەزيدەنتى قاسىم-جومارت توقاەۆ انت قابىلداپ, ءوڭىر اكىمدەرىمەن العاشقى كەڭەسىن وتكىزگەنىن تىلگە تيەك ەتتى.
«مەملەكەت باسشىسى اتاپ ءوتكەندەي, الەۋمەتتىك ءادىل مەملەكەتكە باعىت ودان ءارى جالعاسادى. ونى كەشەندى ىسكە اسىرۋ «نۇرلى جول» باعدارلاماسى, ەلباسىنىڭ جاستار جىلىنىڭ اشىلۋىندا جانە Nur Otan پارتياسىنىڭ XVIII سەزىندە بەرگەن بەس الەۋمەتتىك باستامالار مەن تاپسىرمالار اياسىندا جۇزەگە اسىرىلادى. سونىمەن قاتار ەلباسى اتاپ وتكەندەي, ۇلتارالىق قاقتىعىسقا بايلانىستى جەكەلەگەن ارەكەتتەر ەرەكشە الاڭداۋشىلىق تۋعىزىپ وتىر. مۇنداي ارانداتۋشىلىق قۇقىق ءتارتىبى ورگاندارى تاراپىنان دا, يدەولوگيالىق شارالارمەن دە تەز ارادا بوگەلۋى كەرەك», دەدى ج.تۇيمەباەۆ.
بۇدان بولەك اتالعان ۇيىم توراعاسىنىڭ ورىنباسارى قحا جۇمىسىن جاڭا ساپالى دەڭگەيگە شىعارۋ, ءاربىر قازاقستاندىقتىڭ ەلدەگى وزگەرۋلەر ۇدەرىستەرىنە قاتىستىلىعىن قالىپتاستىرۋ بويىنشا قىزمەتىنە قحا-نىڭ بارلىق قۇرىلىمىنىڭ بەلسەندى قاتىسۋى قاجەتتىگىن اتاپ ءوتتى.
اسسامبلەيا توراعاسىنىڭ ورىنباسارى 2019 جىلى 29 ساۋىردە وتەتىن «بەيبىتشىلىك پەن كەلىسىم فورمۋلاسى: الەۋمەتتىك بىرلىك جانە جاڭعىرتۋ» اتتى قحا XXVII سەسسياسىنىڭ ماڭىزدىلىعىنا توقتالدى.
«بۇل سەسسيا ءبىزدىڭ ەلىمىزدەگى قوعامدىق كەلىسىم مەن جالپىۇلتتىق بىرلىكتى ودان ءارى نىعايتۋدى قامتاماسىز ەتە وتىرىپ, ساياسي كۇن تارتىبىندەگى ماڭىزدى وقيعا بولۋى ءتيىس. وسىعان وراي ونى جوعارى يدەولوگيالىق جانە ۇيىمداستىرۋشىلىق دەڭگەيدە وتكىزۋ قاجەت», دەدى اتالعان سپيكەر.
سونىمەن قاتار ج.تۇيمەباەۆ قازاقستان حالقى اسسامبلەياسىنىڭ اعىمداعى قىزمەتى مەن الداعى كەزەڭگە ارنالعان مىندەتتەرىن تىلگە تيەك ەتتى. اتاپ ايتقاندا, كەزدەسۋ بارىسىندا «قازاقستان حالقى اسسامبلەياسى تۋرالى» زاڭدى ىسكە اسىرۋ ماسەلەلەرى تالقىلاندى. ءبىرىنشى كەزەكتە – وسى زاڭعا وزگەرىستەر مەن تولىقتىرۋلاردى ىسكە اسىرۋ جونىندەگى ءىس-شارالار جوسپارىن ورىنداۋ تۇر.
سونداي-اق ەلباسىنىڭ 2018 جىلعى 5 قازانداعى «قازاقستاندىقتاردىڭ ءال-اۋقاتىن ارتتىرۋ: تابىس پەن ءومىر ءسۇرۋ ساپاسىن ارتتىرۋ» اتتى قازاقستان حالقىنا جولداۋىن ىسكە اسىرۋ جونىندەگى اسسامبلەيانىڭ جالپىۇلتتىق ءىس-شارالار جوسپارىن, جاستار جىلىن وتكىزۋ جونىندەگى جول كارتاسىن, «رۋحاني جاڭعىرۋ» باعدارلاماسىن ىسكە اسىرۋدىڭ 2019 جىلعا ارنالعان ءىس-شارالار جوسپارىن ىسكە اسىرۋعا قاتىسۋ ماسەلەلەرى تالقىلاندى.
كەڭەس وتىرىسىندا قحا-نىڭ بارلىق قۇرىلىمىنىڭ: قوعامدىق كەلىسىم كەڭەسىنىڭ, انالار كەڭەستەرى, جۋرناليستەر كلۋبتارى, مەدياتورلار, قحا كافەدرالارى, عىلىمي-ساراپتامالىق توپتار, ماسليحاتتارداعى دەپۋتاتتىق توپتار, كاسىپكەرلەر قاۋىمداستىقتارى, قحا «جاڭعىرۋ جولى» قوزعالىسى مەن ەتنومادەني ءبىرلەستىكتەر بەلسەندىلەرىنىڭ جۇمىسىن جانداندىرۋ ماسەلەلەرى قارالدى.
جيىن سوڭىندا قحا-نىڭ وڭىرلىك اسسامبلەيالارى ءۇشىن ۇلگى-مودەل رەتىندە نۇر-سۇلتان قالاسى, قوستاناي, قىزىلوردا وبلىستارى قحا حاتشىلىعىنىڭ مەڭگەرۋشىلەرى اتقارىلعان جۇمىس تۋرالى بايانداسا, شىعىستان كەلگەن مامان وڭىردەگى دوستىق ءۇيىنىڭ جۇمىس تاجىريبەسىمەن ءبولىستى.
