سپارتاكيادانىڭ اشىلۋ ءراسىمى قىزىلوردا وبلىسىندا قر قك تىكۇشاعىنىڭ اپاتقا ۇشىراۋى كەزىندە قازا تاپقان اسكەري قىزمەتشىلەرگە قۇرمەت كورسەتۋ بويىنشا ۇنسىزدىك مينۋتىنان باستالدى, دەپ حابارلايدى شارانىڭ ۇيىمداستىرۋشىلارى.
دەسانتتىق-شابۋىلداۋ اسكەرلەرى قولباسشىسىنىڭ ورىنباسارى پولكوۆنيك رادجان جانىسوۆتىڭ ايتۋىنشا, سپورتپەن اينالىسۋعا ۋاجدەمە جاساۋدان باسقا بۇگىنگى جارىستىڭ باستى ماقساتى اسكەري قىزمەتشىلەردىڭ بالالارى قاتارىنان ارميا ورتالىق سپورت كلۋبىنىڭ الەۋەتتى سپورتتىق رەزەرۆىسىن قالىپتاستىرۋ بولىپ تابىلادى. قارۋلى كۇشتەردىڭ قاتارىن تولىقتىرىپ, ارميالىق كلۋبتىڭ نامىسىن رەسپۋبليكالىق جانە حالىقارالىق ماڭىزى بار سايىستاردا قورعايتىن جاس ۇرپاق ەكەنى داۋسىز. شارا اياسىندا 11 اسكەري گارنيزوننان كەلگەن 140-تان اسا بالا قازاق كۇرەسى, تاەكۆوندو, ۇستەل تەننيسى, ميني فۋتبول جانە ەستافەتا تۇرىندە 400 مەترگە جۇگىرۋ بويىنشا سپورتتىڭ بەس تۇرىنەن باق سىناستى.
سايىس قورىتىندىسى بويىنشا اسكەري قىزمەتشىلەردىڭ بالالارى اراسىندا تاراز گارنيزونىنىڭ كومانداسى ءبىرىنشى ورىندى, گۆاردەيسك گارنيزونىنىڭ سپورتشىلارى ەكىنشى ورىندى جانە سەمەي گارنيزونىنىڭ كومانداسى ءۇشىنشى ورىندى يەلەندى.
