قازاقستان قۇراماسىمەن بىرگە ءبىر توپقا فرانتسيا, سلوۆەنيا, چەرنوگوريا, بولگاريا, ليۋكسەمبۋرگ قۇرامالى بار.
جەرەبە بارىسىندا ۋەفا-عا مۇشە 54 ەل (كوسوۆو مەن گيبرالتار دا بار) التى-التىدان توعىز توپقا تەڭ ءبولىندى. ال يتاليا قۇراماسى ءتۋرنيردىڭ قابىلداۋشى ەل بولعاندىقتان تىكەلەي جولداما الادى.
جەرەبە تارتۋ ءۇشىن كوماندالار ۋەفا-نىڭ كوەففيتسەنتىنە قاراي التى سەبەتكە ءبولىندى. قازاقستان قۇراماسى التىنشى سەبەتكە تۇسكەن ەدى.
ايتا كەتەيىك, ەۋرو-2019 ءتۋرنيرىنىڭ ىرىكتەۋ كەزەڭى 2017 جىلدىڭ مامىرىندا باستالىپ, 2018 جىلدىڭ قازان ايىندا بىتەدى. ال قوسىمشا جولداماعا مۇمىندىك بەرەتىن توعىسپا كەزدەسۋلەر 2018 جىلدىڭ قاراشاسىنا بەلگىلەنگەن.
