«قازاقستان ۇكىمەتىنىڭ تسيفرلىق تەحنولوگيالاردى ەنگىزۋ تۇرعىسىنان اتقارىپ جاتقان جۇمىستارىنا تامسانا قارايمىن. ۇكىمەتتى تسيفرلاندىرۋ, دالىرەك ايتقاندا مەملەكەتتىك قىزمەتتەردى ەلەكتروندى فورماتتا ۇسىنۋ وتكەن جىلى شامامەن 60% قۇرادى, بيىل وسى كورسەتكىشتى 80%-عا دەيىن ارتتىرۋ كوزدەلگەن. بۇل وسىنداي قىسقا مەرزىم ءۇشىن تاماشا كورسەتكىش. قازاقستان قارقىندى تۇردە ترانسفورماتسيالانىپ جاتىر. قازاقستاننىڭ تسيفرلاندىرۋدى ەنگىزۋ سالاسىنداعى تاجىريبەسىن وزگە ەلدەردە قولدانۋعا بولادى دەپ ويلايمىن. باسقا مەملكەتتەرگە قازاقستاندا ەنگىزىلىپ جاتقان رەفورمالاردى ەش كۇمانسىز ۇلگى رەتىندە الۋعا بولادى», — دەدى ساراپشى.
دج. تسيگلەردىڭ پىكىرىنشە, قازاقستانعا تسيفرلىق باعىتتى دامىتۋ قارقىنىن باسەڭدەتۋدىڭ قاجەتى جوق. جاس عالىمداردى ىنتالاندىرۋدى ودان ءارى جەتىلدىرىپ, وزدەرىنىڭ داعدىلارى مەن تۇيگەن-بىلگەندەرىن ىسكە اسىرۋعا مۇمكىندىك بەرىپ, مۇمكىندىگىنشە بىرەگەي ستارتاپتاردى كوبىرەك ىسكە قوسۋ كەرەك. سونىمەن قاتار, ينۆەستورلار مەن مەنتورلاردى تارتۋعا ارنالعان امبەباپ الاڭ قۇرۋ ماسەلەسىنە كوڭىل ءبولۋ كەرەك, ولار قازاقستانداعى جۇمىستىڭ بارلىق مۇمىندىكتەرىن باعالاي الۋى قاجەت.
سپيكەر بۇگىندە Astana Hub-تا اقپاراتتىق سالادا جەتىستىكتەرگە جەتۋدى كوزدەپ جۇرگەن, سونداي-اق باسقا ەلدەردىڭ عالىمدارىمەن ادال باسەكەلەستىككە تۇسە الاتىن جەتكىلىكتى جاس عالىمدار بار ەكەنىن اتاپ ءوتتى.
دج. تسيگلەر Astana Hub حالىقارالىق تەحنوپاركى قىزمەت كورسەتە باستاعان ۋاقىت ىشىندە اۋقىمدى جۇمىستاردى ورىنداعانىن ايتتى: مىڭنان استام قاتىسۋشىنى تارتا وتىرىپ, 47 ءارتۇرلى جوبا ىسكە اسىرىلعان.
بۇعان قوسا, ساراپشى Astana Hub قىزمەتىنىڭ ونى باسقا حالىقارالىق تەحنوپاركتەردەن ەرەكشەلەيتىن بىرەگەيلىگىن اتاپ ءوتتى.
«مەن سينگاپۋردە دە, اۆستراليادا دا بايقاماعان ءبىر فاكتكە نازار اۋدارعىم كەلەدى – تاۋەكەلدەردى بارىنشا ازايتۋعا جانە نىساندى ينۆەستورلار مەن ستارتاپشىلار ءۇشىن اسا تارتىمدى ەتۋگە مۇمكىندىك بەرەتىن پروگرەسسيۆتى سالىق سالۋ رەجيمى ۇسىنىلعان. بۇل بىزگە مۇمكىندىگىنشە باسەكەگە قابىلەتتى بولۋعا دەمەۋ بولاتىن قۇرال, جانە وسى سالىق سالۋ رەجيمدەرى جاعدايدى ودان ءارى جاقسارتا تۇسەدى», — دەدى ول.
ساراپشىنىڭ ايتۋىنشا, 2018 جىل تەحنوپارك ءۇشىن وتە تابىستى جىل بولدى. 2019 جىلى Astana Hub ەلىمىزدە تسيفرلىق تەحنولوگيالاردى دامىتۋدىڭ الدىڭعى قاتارلى قوزعاۋشى كۇشى, درايۆەرىنە اينالۋى ءۇشىن كولەمدى جۇمىستار اتقارۋ قاجەت.
ء«بىز ادامدارعا تسيفرلىق ورتاعا قالاي ينۆەستيتسيا سالۋ كەرەك ەكەنىن ۇيرەتۋىمىز كەرەك. ءبىزدىڭ مىندەتىمىز – اتالعان پروتسەسكە شەتتەن قاتىسۋشىلار تارتىپ, كليەنتتەر بازاسىن كەڭەيتۋ ءۇشىن بارلىق مۇمكىندىكتى جاساۋ. يدەيانىڭ ءمانى – تەحنولوگيالىق پاركتەردى بىرىكتىرىپ, ولاردىڭ تەك ەل ىشىندەگى پاركتەرمەن ەمەس, سونداي-اق ايماقتاردا ورنالاسقان پاركتەرمەن بارىنشا كوپ جۇمىس ىستەۋىنە كوز جەتكىزۋ», — دەدى دجوزەف تسيگلەر.
بۇدان وزگە, Astana Hub مىندەتى — يننوۆاتسيالىق ەكوجۇيە قۇرۋ: نەنى باسقالاردان جىلدامىراق جانە جاقسىراق ەتىپ جاساۋعا بولادى؟
ء«بىز بارىنەن الدا بولۋىمىز كەرەك. نەعۇرلىم باسەكەگە قابىلەتتى بولۋ كەرەك. مۇمكىندىكتەرى شەكتەۋلى جانداردى قوسا العاندا, بارلىق ساناتتاعى ازاماتتار وزدەرىن ىڭعايلى سەزىنۋى ءۇشىن تەحنولوگيالاردى قولجەتىمدى ەتۋ قاجەت», — دەدى ول.
