وبلىسقا جۇمىس ساپارمەن كەلگەن قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ ديرەكتورى ديليارا قايداروۆا پايدالانۋعا بەرىلگەن جاڭا ساۋلەلى دياگنوستيكا كورپۋسىنىڭ اشىلۋىنا قاتىستى. ول ءوز سوزىندە بۇل ماقسات ءۇشىن رەسپۋبليكالىق قازىنادان 313 ميلليون تەڭگە, مەديتسينالىق قۇرال-جابدىقتار ساتىپ الۋعا 80 ميلليون تەڭگە بولىنگەنىن جەتكىزدى.
جالپى اۋماعى ەكى مىڭ شارشى مەتردى الىپ جاتقان عيماراتتىڭ ءبىرىنشى قاباتىندا ۋلترادىبىستىق دياگنوستيكا, رەنتگەن كابينەتى جانە پاتولوگواناتوميالىق زەرتحانا ورنالاسقان.
«بۇرىن حيرۋرگيا كورپۋسىنان ەمحاناعا ناۋقاستار دالا ارقىلى قاتىنايتىن. قازىر كورپۋستىڭ ىشىمەن بارادى. بۇل پاتسيەنتتەر ءۇشىن وتە ىڭعايلى. جانساقتاۋ بولىمشەسى دە جاڭا نىسانعا كوشىرىلىپ, زاماناۋي قۇرىلعىلارمەن تولىقتىرىلدى. پاتوگيستولوگيالىق بولىمشە 4 زاماناۋي اپپاراتپەن جابدىقتالدى. ونىڭ 2-ءۋى – يتالياندىق, قالعانى – شۆەيتساريالىق جانە جاپوندىق قۇرىلعىلار. بۇعان دەيىن ونكولوگيالىق اۋرۋدى انىقتاۋ 2 اپتاعا سوزىلسا, قازىر قورىتىندى نەبارى 4-5 كۇندە دايىن بولادى», دەيدى ونكولوگتيالىق ديسپانسەر باس دارىگەرىنىڭ ورىنباسارى ەرمەك ءابدىرىموۆ.
جاڭا ساۋلەلى دياگنوستيكا كورپۋسىنىڭ پايدالانۋعا بەرىلۋىنە وراي رەنتگەن جانە ۋلترادىبىستىق دياگنوستيكا كابينەتتەرى قوسىمشا ماماندارمەن تولىقتىرىلدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
