«جاھاندانۋ داۋىرىندەگى تسيفرلىق كۇن ءتارتىبى 2.0.» فورۋمى اياسىندا بەلارۋس پرەمەر-ءمينيسترى – س. رۋماس, قازاقستان پرەمەر-ءمينيسترى – ب. ساعىنتاەۆ, قىرعىزستان پرەمەر-ءمينيسترى – م. ابىلگازيەۆ, رەسەي پرەمەر-ءمينيسترى – د. مەدۆەدەۆ جانە ارمەنيا ۆيتسە-پرەمەرى – م. گريگوريان مەن ەەك القا توراعاسى ت. ساركيسياننىڭ, سونداي-اق حالىقارالىق ساراپشىلاردىڭ قاتىسۋىمەن پلەنارلىق سەسسيا وتەدى.
قاتىسۋشىلار ەۋرازيا تەحنوپاركتەرىن ينتەگراتسيالاۋدىڭ العىشارتتارىن, بىرلەسكەن يننوۆاتسيالىق جوبالار قۇرۋدى تالقىلاماق. تسيفرلىق كۇن تارتىبىندەگى وزەكتى ماسەلەلەر بويىنشا پىكىر الماسىپ ستارتاپ-كومپانيالار مەن ءىت-سالاسىنداعى جاس مامانداردى ىلگەرىلەتۋ جانە قولداۋ ماسەلەلەرى بويىنشا تاجىريبەلەرىمەن بولىسەتىن بولادى.
ساراپشىلاردىڭ پىكىرىنشە, تەحنوپاركتەردى حالىقارالىق ينتەگراتسيالاۋدىڭ باستى ماقساتى – ەلدەر اراسىنداعى تەحنولوگيالىق الشاقتىقتى قىسقارتۋ جانە 4-تەحنولوگيالىق رەۆوليۋتسيا يدەيالارىن ىلگەرىلەتۋ. بولاشاقتا حالىقارالىق ينتەگراتسيالاۋ ىسىندە اشىق تاجىريبە الماسۋعا ءار قاتىسۋشىلاردىڭ مۇمكىندىكتەرىن ارتتىرۋ قاجەت.
فورۋمدى ۇيىمداستىرۋشى – قازاقستان رەسپۋبليكاسى اقپارات جانە كوممۋنيكاتسيالار مينيسترلىگى.
ارمان وكتيابر,
«ەگەمەن قازاقستان»
الماتى
