جوبانىڭ جاڭارىپ, جارقىراپ قىزمەت كورسەتۋ ءۇشىن «كرەندەل» كونديتەرلىك كاسىپورنى قارجىسىن سالىپ, قاجەتتى جابدىقتار مەن جيھازداردى ساتىپ الدى.
سوندىقتان, وبلىس اكىمدىگىنىڭ قولداۋى مەن بىرگە قولعا الىنعان جۇمىس باسالدى. التى ايداي ۋاقىت ىشىندە بۇرىنعى «چەرنوياركا مارجانى دەمالىس ورنى وزگەرىپ شيپاجايعا اينالدى.
ورتالىق ءاربىر كورسەتىلەتىن قىزمەتكە مەديتسينالىق ليتسەنزيا الدى.
جاڭا باسشىلىق پەن «جەمچۋجينا دولگولەتيا» جشس سەرىكتەستىگى اراسىندا 5 جىلعا مەملەكەتتىك-جەكەمەنشىك ارىپتەستىك كەلىسىمشارتى جاسالدى.
بۇل قۇجاتقا سايكەس كاسىپكەر زەينەتكەرلەرگە الەۋمەتتىك قىزمەتتەر كورسەتەدى. مەملەكەتتىك تاپسىرىس نەگىزىندە كەزەككە تۇرعاندار كەستەگە سايكەس شيپاجايعا جىبەرىلىپ وتىرادى. كولىك قاتىناسى بار.
بۇل كۇندەرى شيپاجاي زەينەتكەرلەرگە ءۇزىلىسسىز جۇمىس جاساۋدا.
وبلىستىق جۇمىسپەن قامتۋدى ۇيلەس-ءتىرۋ جانە الەۋمەتتىك باعدارلامالار باسقارماسىنىڭ مالىمەتىنشە, شيپاجايدا ايىنا 110 ادامعا ءتۇرلى ەم-شارا, ساۋىقتىرۋ قابىلدايدى.
زەينەتكەرلەر 12 كۇن ەم الىپ, دەمالادى. بيىل 1320 زەينەتكەردى قابىلداۋعا ازىرلەنۋدە. شيپاجايدا ساۋىقتىرۋ ءۇشىن ەمدەۋ-دەنەشىنىقتىرۋ شارالارى, ماسساج, فيزيوتەراپەۆتىك ەم-دوم, گالوكامەرا, مارال ءمۇيىزىنىڭ ەمدىك قاسيەتتەرى قولدانىلاتىن ۆاننالار, فيتو-بار سىندى ادىستەر قولدانىلادى.
سونىمەن بىرگە, سكانديناۆيالىق ءجۇرىستىڭ دە تيىمدىلىگى ەسكەرىلگەن.
سكانديناۆيالىق ءجۇرىس - سپورتتىڭ جاڭا ءتۇرى. بۇل جۇرىسپەن اۋەلى ەۋروپالىقتار اينالىسا باستادى.
ءجۇرىستىڭ ەرەكشەلىگى- شاڭعى تاياقتارى سەكىلدى تاياقتى پايدالانا وتىرىپ جۇرەسىز. جاي جۇرىستەن ايىرماشىلىعى - دەنەدەگى بارلىق بۇلشىق ەتتەر قوزعالىسقا تۇسەدى.
مامانداردىڭ ايتۋىنشا, ومىرتقاعا جاقسى اسەر ەتەدى. قان تامىرلارى مەن جۇرەك-قان تامىرلارىنىڭ جۇمىسى جاقسارادى. قاراپايىم جۇرىستەن دە ايىرماشىلىعى بار.
ياعني, جىلدامدىق ماڭىزدى ەمەس, ءجۇرىپ كەلە جاتىپ تىنىعىپ, جاتتىعۋلار جاساۋعا بولادى.
شيپاجايدا بارلىق ەمدەۋ-ساۋىقتىرۋ شارالارى دارىگەردىڭ نۇسقاۋىمەن ءارى باقىلاۋىمەن جاسالادى. ورتالىقتا ءتۇرلى كەشتەر ءوتىپ تۇرادى.
زەينەتكەرلەر بوس ۋاقىتتارىن ءتيىمدى وتكىزىپ جاتىر. قىستا شاڭعى تەبەدى. ورماندا سەرۋەندەيدى. بەس مەزگىل تەگىن تاماق بەرىلەدى.
مويىلدى شيپاجايىنىڭ بالشىعىنان اپليكاتسيالار جاساۋ, يودتالعان ۆاننالار قابىلداۋ جاسالاتىن بولادى.
قوس تاراپقا ءتيىمدى ارىپتەستىكتىڭ مۇمكىندىگىن اۋداندىق, قالالىق جۇمىسپەن قامتۋ بولىمدەرىنە تىركەلگەن وڭىردەگى ءاربىر زەينەتكەرە پايدالانا الادى.
فاريدا بىقاي,
«ەگەمەن قازاقستان»
پاۆلودار
