جاقىندا وسى ارناۋلى مەكتەپتەر اياسىندا Wiki Camp اكتسياسى وتكەن ەدى. بۇل شاراعا تالدىقورعان قالاسىنداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىنىڭ جۇزگە جۋىق وقۋشىسى دا قاتىستى. ءداستۇرلى اكتسيا بيىلعى جاستار جىلىنا وراي «جاستار – ەلىمىزدىڭ ماقتانىشى» دەگەن ۇرانمەن ۇيىمداستىرىلدى.
«ۋيكيپەديا» كلۋبى تالدىقورعانداعى نازارباەۆ زياتكەرلىك مەكتەبىندە دە 2013 جىلى قۇرىلدى. وسى ۋاقىت ىشىندە وقۋشىلار قازاق, اعىلشىن, ورىس تىلدەرىندە ماقالا جازىپ, ونى ونلاين-ەنتسيكلوپەدياعا ءوز بەتىنشە جولداپ, تولىقتىرۋدى مەڭگەرگەن ەكەن. بۇگىنگە دەيىن «ۋيكيپەديا» كلۋبىنىڭ مۇشەلەرى جەتىسۋ وڭىرىندەگى تاريحي-مادەني مۇرا تۋرالى, عىلىمي جاڭالىقتار مەن ەلىمىزدىڭ قازىرگى زامانعى جەتىستىكتەرى تۋرالى 3 مىڭعا جۋىق ماقالا جازىپ, سايتقا ورنالاستىرىپتى.
ايتپاقشى, وسى مەكتەپتەگى «ۋيكيپەديا» كلۋبىنىڭ العاشقى پرەزيدەنتى بولعان وقۋشى, بۇگىندە ستۋدەنت اتانعان قۇدايبەرگەن داۋلەتكەرەي گونكونگتا جانە لوندوندا وتكەن «Wikimania-2013», «Wikimania-2014» حالىقارالىق كونفەرەنتسيالارىنا قاتىسىپ, قازاق بالالارىنىڭ جازبا جۇمىسىن الەم نازارىنا تانىستىردى.
– «ۋيكيپەديا» كلۋبى مەكتەپ وقۋشىلارىن ماقالا جازۋعا جانە رەداكتسيالاۋعا داعدىلاندىرادى, دەيدى تالدىقورعانداعى نازارباەۆ زياتكەرلىك مەكتەبى جانىنداعى «ۋيكيپەديا» كلۋبىنىڭ ۇيلەستىرۋشىسى ءنازيرا سۇلتانوۆا.
قالماحانبەت مۇقامەتقالي,
«Egemen Qazaqstan»
الماتى وبلىسى
