وتىرىستا كەلەسى زاڭ جوبالارى تالقىلاندى:
1. «قازاقستان رەسپۋبليكاسىنىڭ ۇكىمەتى مەن قىرعىز رەسپۋبليكاسىنىڭ ۇكىمەتى اراسىنداعى قازاقستان-قىرعىز مەملەكەتتىك شەكاراسىنىڭ رەجيمى تۋرالى كەلىسىمدى راتيفيكاتسيالاۋ تۋرالى» كەلىسىمنىڭ باستى ماقساتى - قۇقىقتىق نەگىزدى ءوزارا بەلگىلەۋ جانە مەملەكەتتىك شەكارادا قازاقستان رەسپۋبليكاسى مەن قىرعىز رەسپۋبليكاسى اراسىنداعى قارىم-قاتىناستى رەتتەۋ. بايانداماشى: ءدىلمانوۆ دارحان ايتقالي ۇلى – ۇلتتىق قاۋىپسىزدىك كوميتەتى توراعاسىنىڭ ورىنباسارى – شەكارا قىزمەتىنىڭ ديرەكتورى قوسىمشا بايانداماشى: مۇقاەۆ ەربولات راحمەت ۇلى زاڭ جوباسىن تالقىلاۋ ناتيجەسىندە باس كوميتەتكە كوميتەتتىڭ قورىتىندىسىن جىبەرۋ تۋرالى شەشىم قابىلداندى.
2. «تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ تەرروريزمگە جانە ەكسترەميزمنىڭ وزگە دە زورلىق-زومبىلىق كورىنىستەرىنە قارسى كۇرەستى جۇزەگە اسىراتىن قۇزىرەتتى ورگانداردى ماتەريالدىق-تەحنيكالىق قامتاماسىز ەتۋدەگى ىنتىماقتاستىعى تۋرالى كەلىسىمدى راتيفيكاتسيالاۋ تۋرالى» كەلىسىمنىڭ ماقساتى - تەرروريزمگە جانە ەكسترەميزمنىڭ وزگە دە زورلىق-زومبىلىق كورىنىستەرىنە قارسى كۇرەستى جۇزەگە اسىراتىن قۇزىرەتتى ورگانداردى ارنايى تەحنيكامەن, ارنايى قۇرالدارمەن جانە قامتاماسىز ەتۋ ماتەريالدارىمەن جان-جاقتى جابدىقتاۋ ءۇشىن تەڭ جانە جەڭىلدىكتى شارتتار تۋعىزۋ. بايانداماشى: بىلىسبەكوۆ نۇرعالي داۋلەتبەك ۇلى – ۇلتتىق قاۋىپسىزدىك كوميتەتى توراعاسىنىڭ ورىنباسارى قوسىمشا بايانداماشى: شەلپەكوۆ باقتىباي اقبەردى ۇلى زاڭ جوباسىن تالقىلاۋ ناتيجەسىندە باس كوميتەتكە كوميتەتتىڭ قورىتىندىسىن جىبەرۋ تۋرالى شەشىم قابىلداندى.
