وبلىستىق «رۋحاني جاڭعىرۋ» ورتالىعىنىڭ ماماندارى بىلتىر ايماقتىڭ ارداگەرلەر كەڭەسى, ساياسي پارتيالار جەتەكشىلەرى مەن ۇكىمەتتىك ەمەس ۇيىم مۇشەلەرىمەن كەزدەسىپ, بۇل باعىتتا كوپتەگەن ماسەلەنى تارازىعا سالعان ەدى.
«جوبا اياسىندا ۇلتتىق سالت-داستۇرلەردى ناسيحاتتاي وتىرىپ, بۇگىنگى ۋاقىت تالابىنا سايكەس كەلەتىن داستۇرلەردى جاڭعىرتۋدى قولعا الماقپىز. سونداي-اق, قازىرگى توي وتكىزۋ داستۇرىنە دە پراگماتيكالىق كوزقاراسپەن قاراعانىمىز ءجون», - دەدى وبلىستىق «رۋحاني جاڭعىرۋ» ورتالىعىنىڭ باسشىسى نۇرلىبەك مىڭجاس.
ورتالىق ماماندارى بۇدان باسقا دا بىرقاتار جاڭا جوبانى قولعا الماق. اتاپ ايتار بولساق, ءۇش تىلدە «قورقىتتىڭ دانالىق سوزدەرى», «سىر بويىنىڭ ساكرالدى ەسكەرتكىشتەرى: ميفتەر, حيكاياتتار, اڭىزدار» جيناعى, «الاش قايراتكەرلەرىنىڭ اقمەشىت-قىزىلوردا كەزەڭى», «قورقىت اتا كىتابى» بىرنەشە نۇسقا بويىنشا قايتا اۋدارىلىپ, جارىققا شىعادى. بۇل ەڭبەكتەردىڭ بارلىعى ەلباسىنىڭ « ۇلى دالانىڭ جەتى قىرى» ماقالاسىنا وراي جۇزەگە اساتىن بولادى. جوبالار « ۇلى دالانىڭ جەتى قىرى» ماقالاسىنىڭ «تۇركى الەمىنىڭ گەنەزيسى», « ۇلى دالانىڭ ۇلى ەسىمدەرى», «دالا فولكلورى مەن مۋزىكاسىنىڭ مىڭ جىلى» ارنايى جوبالارى اياسىندا ورىندالادى.
باقتيار تايجان,
«ەگەمەن قازاقستان»
قىزىلوردا وبلىسى
