«قوستاناي-پەتروپاۆلوۆسك» باعىتىنداعى جولاۋشىلار اۆتوبۋسى اۋا رايىنىڭ قولايسىزدىعىنا وراي, «قوستاناي-مامليۋتكا» جولىنىڭ كەنەت جابىلۋىنا بايلانىستى ۇزىنكول پوسەلكەسىنىڭ تۇسىندا توقتاپ قالعان. دالادا تۇنگى اياز 35 گرادۋس بولاتىن.
«جەل وڭمەنىڭنەن ءوتىپ كەتەدى. اۆتوبۋستىڭ ءىشى مينۋت سايىن سۋىي باستادى. جۇرگىزۋشى بولعاندىقتان جولاۋشىلار الدىنداعى جاۋاپكەرشىلىكتى دە سەزىنەسىڭ, قۇتقارۋشىلارعا تەلەفون شالدىم» دەيدى اۆتوبۋس جۇرگىزۋشىسى گەننادي سەزۋحين. ۇزىنكول اۋداندىق توتەنشە جاعدايلار ءبولىمىنىڭ باستىعى جانبولات وماروۆتىڭ باسشىلىعىمەن قىزمەتكەرلەر كەلىپ, جولاۋشىلاردى جىلى بولمەگە الىپ بارادى. ولارعا شاي بەرىپ, جىلىتىپ, قوبالجىعان كوڭىلىن باسادى.
–قۇتقارۋشىلارعا وتە ريزا بولدىم. ءوزىم جۇرگىزۋشى بولعان 20 جىل ىشىندە وسىنداي اۋىر جاعدايعا ءبىرىنشى رەت دۋشار بولدىم جانە قۇتقارۋشىلار تاراپىنان ادامدارعا دەگەن جىلى قارىم-قاتىناستى كورىپ, ولارعا دەگەن جولاۋشىلاردىڭ العىسىنا دا كۋا بولدىم, - دەيدى گەننادي.
قۇتقارۋشىلار اۆتوبۋستىڭ جارامدىلىعىن ابدەن تەكسەرىپ, اۋداندىق توتەنشە جاعدايلار ءبولىمىنىڭ باستىعى جانبولات وماروۆتىڭ ءوزى باستاپ, اۆتوبۋستى مەڭدىعارا اۋدانىنىڭ ورتالىعىنا دەيىن اپارىپ سالدى. اۆتوبۋس ىشىندەگى 14 ادام ەشقانداي زارداپ شەككەن جوق.
ءنازيرا جارىمبەت,
«ەگەمەن قازاقستان»
قوستاناي
