900 000-نان استام جەڭىمپاز بەن 1 ميللياردتان استام تەڭگە جۇلدەلى تولەمدەر. قازاقستاندىق ۇلتتىق لوتەرەيا وپەراتورى ء«ساتتى جۇلدىزدىڭ» 2018 جىلداعى باستاپقى ناتيجەلەرى وسىنداي. ەلىمىزدەگى جاڭا ميلليونەرلەردىڭ سانى قارقىندى تۇردە ءوسىپ كەلەدى.
«بۇل جىل بىزگە نەگىزىمىزدى قالاۋشى جانە وتە ماڭىزدى بولدى. وسى جىلدىڭ ناۋرىز ايىندا ءبىز ءوزىمىزدىڭ نەگىزگى ورتالىق جۇيەمىز − «AEGIS»-ءتى تولىق كولەمدە ىسكە قوستىق. سول ساتتەن باستاپ ەلىمىزدەگى قازىرگى لوتەرەيانىڭ ەسەبى باستالدى دەپ ايتسا دا بولادى», − دەپ ءبولىستى ء«ساتتى جۇلدىز» اق پرەزيدەنتى الەكساندر تەن.
2018 جىلى ء«ساتتى جۇلدىز» اق نەگىزگى «AEGIS» IT-جۇيەسىندە لەزدىك لوتەرەيانىڭ 3 ءتۇرىن جانە تيراجدىق لوتەرەيانىڭ 4 ءتۇرىن ىسكە قوستى. لوتەرەيالىق ەسەپ بەرۋ ورتالىعى دەپ اتالاتىن اپپاراتتىق-باعدارلامالىق كەشەن رەتتەۋشىگە ناقتى ۋاقىت رەجىمىندە ساتىلىپ جاتقان لوتەرەيا بيلەتتەرى جايلى اقپاراتتى الىپ وتىرۋعا مۇمكىندىك بەرەدى. قازاقستان رەسپۋبليكاسى مادەنيەت جانە سپورت مينيسترلىگى تۇلعاسىنداعى مەملەكەتتىك رەتتەۋشى, ارنايى قۇرىلعان IT-ينفراقۇرىلىم كومەگىمەن رەسپۋبليكا بويىنشا بارلىق لوتەرەيا بيلەتتەرىنىڭ ساتىلىمىن تۇتاستاي باقىلاپ, سايكەسىنشە قازاقستاندىق بيۋدجەتكە تۇسەتىن كىرىس پەن جەڭىمپازدارعا ۇتىستاردىڭ تولەنۋىن قاداعالاپ وتىرادى.
«LOTO 6/49», «KENO», «777» تيراجدىق ويىندارى جانە «جومارت 3» پەن «777» لەزدىك لوتەرەيالارى ناۋرىز ايىندا ىسكە قوسىلدى, 25 ءساۋىر كۇنى ءونىم قورجىنى «3 المازا» لەزدىك لوتەرەياسىمەن تولىقتىرىلدى, ال جاڭا جىل قارساڭىندا قازاقستاندىقتارعا جاڭا «TeleBingo» ويىنى ۇسىنىلدى. تولىق ەمەس ءبىر جىل ىشىندە لوتەرەيا 2 ميللياردتان استام تەڭگەگە بيلەتتەر ساتقان. كومپانيانىڭ ايتۋى بويىنشا, تابىستىڭ سىرى ويناتىلىمداردى وتكىزۋدىڭ ايقىندىعى جانە ەڭ ماڭىزدىسى − يننوۆاتسيالىق تەحنولوگيالاردا جاتىر. ايتا كەتەتىن جايت, ء«ساتتى جۇلدىز» ويناتىلىمدارىنىڭ ادالدىعى مەن كەزدەيسوقتىعىن الەمدەگى ەڭ بەدەلدى 2 لوتەرەيالىق قاۋىمداستىق – ەۋروپالىق ELA جانە دۇنيەجۇزىلىك WLA راستادى.
لوتەرەيا قاۋىمداستىقتارىنىڭ نەگىزگى تالاپتارىنىڭ ءبىرى بولىپ كومپانيانىڭ الەۋمەتتىك جاۋاپكەرشىلىگى تابىلادى. 2018 جىلى ء«ساتتى جۇلدىز» ۇلتتىق لوتەرەيا وپەراتورى سپورتتى دامىتۋ قورى مەن ۇلتتىق وليمپيادا كوميتەتىنە ويىننىڭ جالپى تابىسىنىڭ 15%-ى كولەمىندەگى ماقساتتى اۋدارىمداردى اۋداردى.
«وزدەرىڭىز بىلەتىندەي, زاڭ بويىنشا ساتىلىم مەن جۇلدە قورى اراسىنداعى ايىرماشىلىقتىڭ 10%-ى سپورتتى دامىتۋعا اۋدارىلۋى كەرەك. ءبىزدىڭ كومپانيا وزىنە كوتەرىڭكى مىندەتتەمەلەر الىپ, 15% اۋدارادى. قازىردىڭ وزىندە 50 ميلليون تەڭگەدەن اسا سوما اۋدارىلدى, ال 2018 جىلدىڭ ناتيجەسى بويىنشا بۇل سان 70 ميلليون تەڭگەدەن اسادى دەپ ويلايمىن», − دەپ مالىمدەدى الەكساندر تەن.
لوتەرەيا سالاسىنداعى 2 جىلعا جۋىق ءۇزىلىس قازاقستان بويىنشا مىڭداعان لوتەرەيا بيلەتتەرىن تاراتۋشىلاردىڭ جۇمىس ورىندارىن اۋىستىرۋىنا اسەر ەتتى. جاڭا ء«ساتتى جۇلدىز» لوتەرەيا وپەراتورىنىڭ پايدا بولۋىمەن ولاردىڭ كوبىسى بۇرىنعى جۇمىستارىنا, تەك باسقا كومپانياعا قايتا ورالۋدا. قازاقستاندا لوتەرەيا نارىعىنىڭ دامۋىمەن وسى سالادا جۇمىسپەن قامتاماسىز ەتىلگەن حالىقتىڭ دا سانى ارتتى. شامامەن 3000 قازاقستاندىق ازامات لوتەرەيا سالاسىندا قىزمەت ەتەدى, سونىڭ اراسىندا شاعىن جانە ورتا بيزنەس يەلەرى دە بار.
ء«ساتتى جۇلدىز» اق پرەزيدەنتى الەكساندر تەننىڭ سوزىنە سۇيەنەر بولساق, 2018 جىل ۇلتتىق لوتەرەيا وپەراتورى ءۇشىن تابىستى بولدى. كەلەسى جىلى كومپانيانىڭ ءونىم قورجىنىن تولىقتىرۋلار جانە قازاقستاندىقتارعا تولەنەتىن تولەمدەر مولشەرىنىڭ بىرنەشە ەسە كوبەيۋى دە كۇتىلۋدە.
