بيىلعى ماۋسىمدا ەلوردا كومانداسى 14 ويىن وتكىزدى. چەمپيوندار ليگاسىندا 6 ماتچ, ەۋروپا ليگاسىنىڭ پلەي-وفف كەزەڭىندە 2 ويىن جانە توپتىق كەزەڭدە 6 كەزدەسۋ وتكىزدى. جالپى 6 كەزدەسۋدە جەڭىسكە جەتسە, 3 ويىندا تەڭ ءۇستى. ال 5 ماتچتا قارسىلاستارىنا ەسە جىبەردى.
ءار ماتچتان كەيىن ويىنشىلاردىڭ ستاتيستيكالىق ساراپتاماسىن جۇرگىزىپ وتىراتىن Instat كومپانياسى بيىلعى ماۋسىمدا «استانانىڭ» قورعاۋشىسى مارين ءانيچيچتى ۇزدىك ويىنشى دەپ تانىدى. انيچيچ 14 ويىننىڭ 12 ماتچىنا قاتىسىپ, ءبىر گول سوققان. سونداي-اق استانادا «رەنن» كومانداسىنا قارسى وتكەن ويىندا ول ارىپتەستەرىنە 87 پايىز ءدال پاس بەرگەن. ەكىنشى ورىن بيىل قازاقستان فۋتبولى ءۇشىن «جىل جاڭالىعى» بولعان 20 جاستاعى باقتيار زاينۋتدينوۆكە بۇيىردى. ۇزدىك ۇشتىكتى ۆەنگريالىق جارتىلاي قورعاۋشى لاسلو كلياينحايسلەر تۇيىندەدى.
ءالي بيتورە,
«ەگەمەن قازاقستان»
