تاڭعاجايىپ قۇرىلىس وبلىس ورتالىعىنىڭ ساۋلەتىنە وزگەشە ءسان بەرىپ جارقىراپ تۇر. سپورت سۇيەر قاۋىمدى, سۋدا جۇزگىش جاستاردى ءوزى-اق شاقىرىپ تۇرعانداي.
جالپى قۇنى 2,7 ملرد تەڭگە تۇراتىن جوبانىڭ جۇزەگە اسۋىنا ERG توبى, KAZ Minerals, «تساتەك» اق دەمەۋشىلىك كورسەتتى
جاڭا نىساننىڭ ىسكە قوسىلۋىمەن قالا تۇرعىندارىن وبلىس اكىمى بولات باقاۋوۆ قۇتتىقتادى.
- بۇل باسسەيىن ءوندىرىس الپاۋىتتارى, الەۋمەتتىك سەرىكتەستەردىڭ قولداۋىمەن سالىنعان, - دەپ اتاپ ءوتتى ب. باقاۋوۆ. – ءجۇزۋ-وليمپيادالىق سپورتتىڭ ماڭىزدى ءتۇرى. ءبىزدىڭ ولبىستا سپورتتىڭ بۇل تۇرىمەن 5000-نان استام ادام اينالىسسا, 80 ادام ەلىمىزدىڭ ۇلتتىق قۇراما كومانداسىنا الىنعان.
حالىقارالىق تالاپتارعا ساي ءجۇزۋ باسسەينى جوعارى دەڭگەيدەگى جارىستاردى وتكىزۋگە ارنالعان. ءجۇزۋ جولاقتارىنىڭ جانىندا 300 ورىندىق مىنبەرلەرى بار. باسسەين سۋى حالىقارالىق ستاندارتقا ساي بولۋى شارت. سوندىقتان, جۇزۋگە ارنالعان سۋ تازارتۋدان وتكىزىلەدى. مۇمكىندىگى شەكتەۋلى جاندارعا دا جاعداي جاسالعان.
وڭىردە بۇدان باسقا جابىق جەڭىل اتلەتيكالىق فۋتبول مانەجى مەن وليمپيادالىق رەزەرۆتى دايىنداۋ ورتالىعى جوباسىنىڭ قۇرىلىسى باستالادى.
ال, ERG ديرەكتورلار كەڭەسىنىڭ توراعاسى الەكساندر ماشكەۆيچ ءوندىرىستى وڭىردە سپورتتىق نىساننىڭ قۇرىلىسىنا كومپانيانىڭ ۇلەس قوسقانى ۇلكەن قۋانىش ەكەنىن اتاپ ءوتتى.
ۋسولكا شاعىن اۋدانى بۇگىنگى كۇنى جاڭا تۇرعىن ۇيلەر كەشەنىنە اينالعان. سوڭعى جىلدارى «نۇرلى جەر» باعدارلاماسى بويىنشا جانە كومپانيالاردىڭ قولداۋىمەن تاعى بىرنەشە تۇرعىن ۇيلەر بوي كوتەرۋدە.
بۇل اۋداندا كارديولوگيالىق ورتالىق, № 4 قالالىق ەمحانا, نازارباەۆ زياتكەرلىك مەكتەبى, شاڭعى-روللەر بازاسى ورنالاسقان, وزەن جاعاسىندا اكادەميالىق ەسكەك ەسۋشىلەر ورنى دا اشىلعان.
فاريدا بىقاي,
«ەگەمەن قازاقستان»
پاۆلودار
