اتالعان ورتالىقتا ستۋدەنتتەرگە ءبىلىم بەرۋ, الەۋمەتتىك-تۇرمىستىق, مادەني-تىنىعۋ باعىتتارىنداعى قىزمەتتەر ۇسىنىلادى. مۇنداعى قىزمەت بىلىمگەرلەر ءۇشىن ء«بىر تەرەزە» قاعيداسى بويىنشا ىسكە اسىرىلادى. ولار وقۋ ورنىندا پايدالاناتىن بىرىڭعاي كود ارقىلى ورتالىقتاعى 7 سەكتوردا بار قاجەتتى قىزمەتتەرگە وپ-وڭاي قول جەتكىزە الادى.
سمارت تەحنولوگيالاردىڭ كومەگىمەن قىزمەت كورسەتۋ الاڭىندا 40-50 ستۋدەنت ءبىر ۋاقىتتا انىقتاما الا الادى. ۋنيۆەرسيتەت رەكتورى بۇل ورتالىقتى جوعارى وقۋ ورنىنداعى سىبايلاس-جەمقورلىقتىڭ الدىن الاتىن, ءبىلىم بەرۋ ساپاسىن ارتتىراتىن ستۋدەنتتەرگە ارنالعان اشىق الاڭ ەكەنىن ايتىپ ءوتتى.
سونىمەن قاتار ۋنيۆەرسيتەتتىڭ مەرەيلى مەرەكەسىنە وراي «قازفوسفات» اتتى جاڭا زەرتحانانىڭ لەنتاسى قيىلدى. زەرتتەۋ مەكەمەسىنىڭ باسشىسى مۇقاش ەسكەندىروۆ سوزىنە سۇيەنسەك, كومپانيا بيىل 17 ملرد تەڭگە ينۆەستيتسيا قۇيعان.
جاڭا زەرتحانا ەكى جاقتى كەلىسىم اياسىندا حيميا-تەحنولوگيالىق ماماندارىن وندىرىستىك جۇمىستارعا بەيىمدەۋ ماقساتىندا ستۋدەنتتەر يگىلىگىنە بەرىلىپ وتىر. جوعارى وقۋ ورنى مەن ارنايى زەرتحانانىڭ بىرلەسكەن جوباسى نەگىزىندە بىلىكتى ماماندار دايارلاۋ ارقىلى ينۆەستيتسيا كولەمىن الداعى ۋاقىتتا 40 ملرد تەڭگەگە جەتكىزۋدى جوسپارلاۋدا.
نۇرشات توكەن,
«ەگەمەن قازاقستان»
